Túrkistan oblysynda oqýshylar men muǵalimderdiń iis tiip, ýlanýyna bailanysty mektep direktorynyń ústinen qylmystyq is qozǵaldy. Bilim ordasynyń basshysy “sanitarlyq erejelerdi buzdy” degen aiyppen tergelý ústinde, dep habarlaidy Dalanews.kz.
Bul jaǵdai Túrkistan oblysy Saryaǵash aýdanyna qarasty Yntymaq aýylynda bolǵan. Ótken senbi kúni Mailyqoja atyndaǵy mektepte áktep-syrlaý jumystary júrgizilip, ony muǵalimder atqarǵan. Al sabaqqa kelgen balalardyń bastary aýyryp, ýlanyp qalǵan. Osylaisha olar aýrýhanaǵa jóneltilip, alǵashqy meditsinalyq kómek kórsetildi.
Oblystyq densaýlyq saqtaý basqarmasynyń baspasóz qyzmeti ýlanýǵa bailanysty derekti rastaǵan bolatyn.
Al Saryaǵash aýdanynyń prokýratýrasy bul jaǵdaiǵa bailanysty tergep-terekserý jumystary júrgizilip jatqanyn jetkizdi.
“Qylmystyq kodekstiń 304-babynyń 1-bóligimen sanitariialyq qaǵidalardy abaisyzda adamdardyń jappai ýlanýyna ákep soqqan buzý sotqa deiingi tergep-tekserý bastaldy. Tergeý nátijesimen barlyq kináli adamdardyń áreketterine quqyqtyq baǵa beriledi”, - dep málimdedi prokýratýra ókilderi.
Esterińizge sala keteiik, mektep qabyrǵasy demalys kúnderi syrlanǵan bolatyn. Dúisenbi kúni tańǵy sabaqqa kelgen oqýshylar men muǵalimder ózderin nashar sezinip, bastary qatty aýyrǵan. Saldarynan mektepke jedel járdem shaqyrylyp, 29 bala men 10 muǵalim meditsinalyq mekemege jetkizildi.
