"جٶتەل قىسىپ, تىنىسى تارىلعان" ارون اتابەكتٸ بٷگٸن جەدەل جەردەم الماتىداعى اۋرۋحاناعا الىپ كەتتٸ. بۇل جٶنٸندە ونىڭ جاقىندارى مەن بەلسەندٸلەر حابارلادى.
ديسسيدەنت ارون اتابەك بەس كٷن بۇرىن پاۆلودار تٷرمەسٸنەن بوساپ, الماتىعا كەلگەندە ونىمەن العاش بولىپ كەزدەسكەندەردٸڭ بٸرٸ ايسۇلۋ ەبۋبەكٸروۆانىڭ (ەلەۋمەتتٸك جەلٸدە "اسيا اسەتكينا" دەگەن اتپەن بەلگٸلٸ) ايتۋىنشا, تٷرمەدەن جٶتەلٸپ كەلگەن اتابەكتٸڭ جٶتەلٸ بٷگٸن ٷدەي تٷسكەن. جٶتەل توقتاماعان سوڭ الماتىدا قارىنداسىنىڭ ٷيٸندە جاتقان اتابەككە جاقىندارى جەدەل جەردەم شاقىرتقان. دەرٸگەرلەر قانداعى ساتۋراتسيياسىن ٶلشەپ, تٶمەن ەكەنٸن كٶرٸپ, بٸردەن اۋرۋحاناعا الىپ كەتكەن.
ارون اتابەكتٸڭ قارىنداسى رەزييا نۋتۋشەۆانىڭ ازاتتىققا ايتۋىنشا, اقىننىڭ ٶكپەسٸ تارىلعان, "جٶتەلۋگە ەلٸ جوق". ونىڭ ايتۋىنشا, اعاسىنىڭ دەرتٸ Covid-كە ۇقسامايدى, بٸراق "ٶكپەسٸنە سۋ جينالعان سيياقتى".
جەدەل جەردەم دەرٸگەرلەرٸ اتابەكتٸڭ جاعدايى اۋىر دەپ, ونى وتتەگٸ اپپاراتىنا قوسقان.
1 قازاندا پاۆلوداردىڭ №2 سوتى ارون اتابەك دەنساۋلىق جاعدايىنا بايلانىستى جازاسىنىڭ قالعان بٶلٸگٸن شارتتى تٷردە ٶتەسٸن دەگەن قاۋلى شىعارعان. سول كٷنٸ تٷندە ونى جولاۋشى ۇشاعىمەن الماتىعا جەتكٸزٸپ, ارون اتابەكتٸ قارسى الۋعا ەۋەجايعا جينالعان جۇرتقا كٶرسەتپەي, ۇشاقتان بٸردەن ٷيٸنە اپارعان.
ارون اتابەك 2006 جىلعى "شاڭىراق وقيعاسىنان" كەيٸن 18 جىلعا سوتتالىپ, 15 جىلدان استام ۋاقىتىن تٷرمەدە ٶتكٸزدٸ. قۇقىق قورعاۋشىلار ونى "ساياسي تۇتقىن" دەپ تانىعان. تٷرمەدە وتىرعاندا ول بيلٸكتەن ٶزٸن تولىق اقتاۋىن تالاپ ەتٸپ, شارتتى تٷردە بوستاندىققا شىعۋ تۋرالى ٶتٸنٸش جازۋ تۋرالى ۇسىنىستان بٸرنەشە رەت باس تارتقان.
بيىل اقپاندا ەۋروپارلامەنت قازاقستانداعى ادام قۇقىعى احۋالى جايلى قابىلداعان قارارىندا نۇر-سۇلتاندى ەلدە تٷرمەدە وتىرعان ساياسي تۇتقىنداردى بوساتۋعا ٷندەگەن. ەۋروپارلامەنت دەپۋتاتتارى ولاردىڭ اراسىندا ارون اتابەكتٸ دە اتاعان.
اقىن ەرٸ ديسسيدەنت ارون اتابەكتٸڭ تۋىستارى 2 قازاندا مەلٸمدەمە جاساپ, وندا ٶزٸن تولىق اقتاۋدى تالاپ ەتكەن 68 جاستاعى تۇتقىندى اۋرۋحانادان ەۋەجايعا "الداپ جەتكٸزٸپ, الماتىعا اتتاندىرۋعا اسىق بولعان" بيلٸكتٸ سىناعان. ازاماتتىق قوعامنان اقىننىڭ بوستاندىعىن شەكتەيتٸن ٷكٸمنٸڭ كٷشٸن جويىپ, كٶپ جىل بويى تٷرمەدە ازاپ كٶرٸپ, دەنساۋلىعى مٷشكٸل حالگە جەتكەن اقىندى ەمدەتۋ ٷشٸن ەش كەدەرگٸسٸز تەزٸرەك شەتەلگە جٸبەرۋگە جەردەم سۇراعان.
