ۇقك قىزمەتكەرلەرى كيىك مۇيىزدەرىن زاڭسىز ءوندىرۋ جانە قازاقستاننان قىتايعا كونتراباندا ارناسىن ۇيىمداستىرۋعا قاتىسى بار قىلمىستىق توپتىڭ قۇقىققا قارسى ارەكەتىنىڭ جولىن كەسۋ بويىنشا ارنايى وپەراسيا جۇرگىزدى.
"دەريۆاتتاردىڭ ءىرى پارتياسىن شەتەلگە شىعارۋدى ۇيىمداستىرماقشى بولعان قىلمىستىق سحەمانىڭ ۇيىمداستىرۋشىسى مەن قاتىسۋشىلارى ۇستالدى. جالپى سالماعى 700 كيلوگرامم بولاتىن 3144 كيىك ءمۇيىزى تاركىلەندى"، دەپ حابارلايدى ق ر ۇقك باسپا ءسوز قىزمەتى.
براكونەرلىك ارەكەت ناتيجەسىندە قازاقستانداعى كيىك پوپۋلياسياسىنا ايتارلىقتاي زيان كەلتىرىلدى، قازىرگى ۋاقىتتا ولاردىڭ سانى شامامەن 800 مىڭ باستى قۇرايدى.
ق ر قك 339-بابىنىڭ 2-بولىگى ("كيىكتى زاڭسىز قولعا ءتۇسىرۋ، جويۋ، سول سياقتى زاڭسىز قولعا تۇسىرىلگەن كيىكتى نەمەسە ونىڭ دەريۆاتتارىن، ونىڭ ىشىندە مۇيىزدەرىن يەمدەنۋ، ساقتاۋ، وتكىزۋ، اكەلۋ، اكەتۋ، جونەلتۋ، تاسىمالداۋ") بويىنشا سوتقا دەيىنگى تەرگەپ-تەكسەرۋ شەڭبەرىندە قۇقىققا قارسى ارەكەتتىڭ وزگە دە قاتىسۋشىلارىن انىقتاۋ، فيگۋرانتتاردا كيىك مۇيىزدەرىنىڭ قوسىمشا پارتيالارىنىڭ بار بولۋى بويىنشا تەرگەۋ جانە جەدەل ءىس-شارالار كەشەنى جۇرگىزىلۋدە.
