قازاقستان رەسپۋبليكاسى ۇكىمەتىنىڭ قاۋلىسىمەن ارمان باقىتجان ۇلى قاسەنوۆ ۇلتتىق ەكونوميكا ۆيسە-مينيسترى قىزمەتىنە تاعايىندالدى. بۇل تۋرالى ۇكىمەتتىڭ باسپا ءسوز قىزمەتى حابارلادى.
ارمان قاسەنوۆ بىلتىردان بەرى Qazaqstan Investment Corporation (QIC) باسقارما ءتوراعاسىنىڭ ورىنباسارى قىزمەتىندە بولدى. مانساپ جولىن 2002 جىلى قارجى سەكتورىنان باستاعان. 1981 جىلى الماتى قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق ەكونوميكالىق قاتىناستار» ماماندىعى بويىنشا بىتىرگەن. لوندون بيزنەس مەكتەبىندە (ۇلىبريتانيا) «قارجى» ماماندىعى بويىنشا ماگيستراتۋرانى ءتامامداعان. كەمبريدج ۋنيۆەرسيتەتىنىڭ Eurasia Business Executive & Leadership Programme Judge Business School باسشىلارعا ارنالعان باعدارلاماسىن اياقتاعان. قارجى، ينۆەستيسيالىق جوبالار جانە بيزنەس سالاسىندا باسشىلىق لاۋازىمداردا 20 جىلدىق تاجىريبەسى بار. 2009 جىلدان باستاپ قازاقستاننىڭ ءىرى جەكەمەنشىك جانە مەملەكەتتىك قارجى ينستيتۋتتارىندا ديرەكتورلار كەڭەسىنىڭ مۇشەسى جانە باسقارما مۇشەسى لاۋازىمدارىن اتقاردى. ۆيسە-مينيستر بولىپ تاعايىندالعان سوڭ ول QIC-تەگى قىزمەتىنەن كەتەدى.
