ارىستانبەك مۇحامەدي ۇلىنىڭ فەيسبۋكتەگى پاراقشاسى ەكى كۇن بولماي جاتىپ جابىلىپ قالدى. ءمينيستردىڭ اككاۋنتى نە ءۇشىن جويىلعانى ازىرگە بەلگىسىز، دەپ حابارلايدى Baq.kz ءتىلشىسى.

26 قاراشادا ق ر مادەنيەت جانە سپورت ءمينيسترى ارىستانبەك مۇحامەدي ۇلى فەيسبۋك الەۋمەتتىك جەلىسىندە جەكە پاراقشاسىن اشقان بولاتىن.

«ءقادىرلى دوستار! مەن مادەنيەت پەن سپورتقا قاتىستى ناقتى اقپاراتتاردى بولىسۋگە، سونداي-اق، وسى سالاداعى بارلىق ماڭىزدى ماسەلەلەردى تالقىلاۋ ءۇشىن Facebook الەۋمەتتىك جەلىسىندە پاراقشا اشۋدى ءجون كوردىم. سونىمەن قاتار، وسى پاراقشا ارقىلى جاس رەجيسسەرلەرمەن، سۋرەتشىلەرمەن، ارتىستەرمەن، انشىلەرمەن جانە دە كوپتەگەن دارىندى تۇلعالارمەن تىلدەسۋگە ءارى بايلانىس ورناتۋعا دايىنمىن. سەبەبى ءبىزدىڭ قاسيەتتى جەرىمىز تالانتتى جاندارعا كەندە ەمەس. ءوزىمنىڭ دوستارىما ساپالى «كەرى بايلانىس» پەن قولداۋ بىلدىرگەندەرى ءۇشىن زور العىسىمدى بىلدىرەمىن. بارلىق وي-پىكىرلەردى جەكە ءوزىم وقۋعا جانە مۇمكىندىگىنشە جاۋاپ بەرۋگە تىرىسامىن»، -دەپ جازعان بولاتىن مينيستر.

ارىستانبەك مۇحامەدي ۇلى سونداي-اق فەيسبۋكتەگى پاراقشاسىن جەكە ءوزى جۇرگىزىپ وتىرعانىن ايتىپ، پىكىر بىلدىرۋشىلەردى ءجون-جوسىقسىز سوزدەردى جازباۋعا شاقىرعان ەدى.