شىمكەنتتەگى ءبىرىنشى قالالىق اۋرۋحاناعا ارىستاعى جارىلىستان زارداپ شەككەندەر جەتكىزىلە باستادى.
اۋرۋحانانىڭ باس دارىگەرى ابىلاي بونباي ءۇش ادامنىڭ ءقازىر اۋىر حالدە جاتقانىن حابارلادى. بارلىعى ون شاقتى ادام اۋرۋحاناعا تۇسكەن، دەپ حابارلايدى otyrar.kz.
"زارداپ شەككەندەر جەتكىزىلە باستادى، ولاردى قابىلداپ، قاجەتتى كومەكتىڭ ءبارىن كورسەتىپ جاتىرمىز"، - دەدى بونباي.
ايتا كەتسەك، ارىستاعى توتەنشە جاعدايلارعا بايلانىستى ورداباسى اۋدانىندا دارىگەرلىك شتاب قۇرىلعان. ونى تۇركىستان وبلىسىنىڭ دەنساۋلىق ساقتاۋ باسقارماسىنىڭ باستىعى مۇقان ەگىزبايەۆ باسقارادى.
جەدەل جۇمىستار جۇرگىزىلۋدە. ارىسقا 30 جەدەل جاردەم جىبەرىلدى. قاجەت بولعان جاعدايدا بىرنەشە اۋداننان قوسىمشا جەدەل جاردەم كولىكتەرى دايىندالادى، دەپ حابارلادى وڭىرلىك سايت.
https://youtu.be/8B9uJT-wXQ0
