وتكەن پرەزيدەنت سايلاۋى كەزىندە ءامىرجان قوسانوۆتىڭ شاشباۋىن كوتەرىپ، جۇرتتى وعان داۋىس بەرۋگە ۇگىتتەگەن ايتىسكەر اقىن رينات زايىتوۆ كوپشىلىككە ارناپ جىر جازىپتى. ول ساياسي ناۋقاننان كەيىن كوپشىلىك سەكىلدى قوسانوۆقا الدانىپ قالعانىن ايتقان بولاتىن. ريناتتىڭ بۇل سوزىنە ءجۇرتتىڭ ءبىرازى سەنسە، ەندى ءبىرى سەنبەگەن-دى. اراداعى ءبىرشاما ۋاقىتتان كەيىن اقىن حالىققا ارناپ جىر جازىپتى. تانىسىڭدار. 

 

ءاربىر ادام ەرتەڭىنە الاڭدار،

دەي المايمىن تاۋسىلمايتىن شامام بار.

جەك كورسەڭ دە، كەكتەنسەڭ دە سەبەپسىز

مەن سەندەردى تۇسىنەمىن ادامدار.

 

جۇرەگىمە سىيماي قالعان جاماندار،

وزىنىكىن دۇرىس قوي دەپ باعامدار.

باۋىرىڭا باسپاساڭ دا باعالاپ،

مەن سەندەرگە رەنجىمەيمىن ادامدار.

 

تاپتاتپاۋعا تىرىسۋمەن تابانعا ار،

بەينەتپەنەن عۇمىر كەشكەن ادالدار.

يلەپ، يلەپ يتكە تاستاي سالساڭ دا،

مەن سەندەردى جاقسى كورەم ادامدار.