ارال تەڭٸزٸنە 200 ملن تەكشە مەتر سۋ جٸبەرٸلدٸ, - دەپ حابارلايدى Dalanews.kz.
قىزىلوردا وبلىسىنىڭ شارۋالارى سۋ ٷنەمدەۋ تەحنولوگييالارىن ەنگٸزۋدٸڭ نەتيجەسٸندە 200 ملن تەكشە مەترگە جۋىق سۋ ٷنەمدەدٸ. بۇل سۋ ارال تەڭٸزٸنە جٸبەرٸلدٸ. ايتا كەتەيٸك, بيىل ٶڭٸردٸڭ ديقاندارى 55 مىڭ گەكتار كٷرٸش القابىندا سۋ ٷنەمدەۋ تەحنولوگييالارىن قولداندى. ال قىزىلوردا وبلىسىنداعى كٷرٸش القاپتارىنىڭ جالپى اۋدانى 84 مىڭ گەكتار.
وسىلايشا, 2024 جىلعى سۋارۋ ماۋسىمىندا تەڭٸزگە شامامەن 1 ملرد تەكشە مەتر سۋ جٸبەرٸلدٸ, بۇل ٶتكەن جىلمەن سالىستىرعاندا 3 ەسە كٶپ.
جىل باسىنان بەرٸ سولتٷستٸك ارالعا شامامەن 2 ملرد تەكشە مەتر سۋ جٸبەرٸلدٸ. بٷگٸنگٸ تاڭدا تەڭٸزدەگٸ سۋدىڭ جالپى كٶلەمٸ 22 ميلليارد تەكشە مەترگە جەتتٸ.
"سۋ ديپلوماتيياسى مەن ورتالىق ازيياداعى ەرٸپتەستەرٸمٸزبەن تىعىز جۇمىستان بٶلەك, ارال تەڭٸزٸنە سۋ جٸبەرۋگە ٷنەمدٸ تەحنولوگييالاردى ەنگٸزۋ دە ماڭىزدى رٶل اتقارادى. ولاردى قولدانۋ جٷزدەگەن ملن تەكشە مەتر سۋ ٷنەمدەۋگە جەنە ونى تەڭٸزگە باعىتتاۋعا مٷمكٸندٸك بەرەدٸ. ول ٷشٸن بٸز شارۋالاردىڭ سۋ ٷنەمدەۋ تەحنولوگييالارىن ەنگٸزۋگە جۇمساعان شىعىندارىن سۋبسيدييالاۋ كٶلەمٸن 50%-دان 80%-عا دەيٸن ۇلعايتتىق. الداعى ٷش جىلدا سۋ ٷنەمدەۋ تەحنولوگييالارىمەن سۋارمالى سۋدى پايدالاناتىن شارۋا قوجالىقتارى ٷشٸن سۋبسيدييا مٶلشەرٸ 50%-دان 85%-عا دەيٸن ۇلعايادى", - دەدٸ سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
ەسكە سالايىق, بۇعان دەيٸن ارالدا بالىق كٶبەيە باستاعانىن جازعان ەدٸك. سوڭعى 5 جىلدا العاش رەت ارالعا سۋ جٸبەرۋ جوسپارى 100 پايىزعا جۋىق ورىندالعان.
