ەلوردا اۋەجايىن ودان ءارى دامىتۋعا 1،1 ملرد دوللار ينۆەستيسيا تارتىلادى، دەپ حابارلايدى Dalanews.kz.
ق ر كولىك مينيسترلىگى مەن Terminals Astana Airport Limited كومپانياسى (Terminals holding قۇرامىنا كىرەدى، ءباا) اۋەجايدى جانە وعان ىرگەلەس اۋماقتى كەشەندى دامىتۋعا باعىتتالعان ينۆەستيسيالىق كەلىسىم جاساستى. ينۆەستيسيانىڭ جالپى قۇنى 1،1 ملرد دوللاردى قۇرايدى.
كەلىسىم اياسىندا ينۆەستور ەكىنشى ۇشۋ-قونۋ جولاعىن، ءۇشىنشى جولاۋشىلار تەرمينالىن، سونداي-اق جۇكتەرگە ارنالعان cargo تەرمينالىن سالادى. سونداي-اق، ينۆەستور يندۋستريالىق - لوگيستيكالىق ايماعى مەن قوناق ۇيلەرى، ساۋدا الاڭدارى، لوگيستيكالىق تەرمينالدارى بار بيزنەس-كلاستەردى قامتيتىن كوپفۋنكسيونالدى اەروتروپوليس كەشەشىن دامىتۋدى جوسپارلاپ وتىر.
بۇدان باسقا، ارنايى تەحنيكا پاركىن جاڭارتۋ، سيفرلىق شەشىمدەر مەن اۆتوماتتاندىرۋ جۇيەلەرىن ەنگىزۋ، اۋەجاي قىزمەتكەرلەرىن كەزەڭ-كەزەڭىمەن وقىتىپ، بىلىكتىلىكتى ارتتىرۋ جۇمىستارى جوسپارلاندى. قىزمەتكەرلەر حالىقارالىق اۆياسيالىق تالاپتارعا سايكەس ارنايى ترەنينگتەردەن وتەدى.
سونىمەن قاتار ق ر كولىك مينيسترلىگى مەن ءباا ەنەرگەتيكا جانە ينفراقۇرىلىم مينيسترلىگى اراسىندا اۆتوموبيل كولىگى سالاسىنداعى ىنتىماقتاستىق تۋرالى ءوزارا تۇسىنىستىك تۋرالى مەموراندۋمعا قول قويىلدى. تاراپتار تەحنيكالىق بىلىممەن، داعدىلارمەن جانە وزىق تاجىريبە الماسۋعا نيەتتى. جاقىن ارادا ق ر مەن ءباا اراسىنداعى اۆتوموبيل كولىگىمەن حالىقارالىق تاسىمالداۋ ماسەلەلەرىن رەگلامەنتتەۋگە مۇمكىندىك بەرەتىن ۇكىمەتارالىق كەلىسىمگە قول قويىلادى دەپ كۇتىلۋدە.
قازىرگى تاڭدا قازاقستان حالىقارالىق اۆتوتاسىمالداۋ اياسىندا 42 ۇكىمەتارالىق كەلىسىم جاساستى.
