ەلباسى نۇرسۇلتان نازاربايەۆقازاق ءتىلىنىڭلاتىن گرافيكاسىنا نەگىزدەلگەن، اپوستروفتى اكۋتقا (ءارىپتىڭ توبەسىندەگى بەلگى ءتىل عىلىمىندا «اكۋت» دەپ اتايدى) اۋىستىرعان ءالىپبيىنىڭ جاڭا نۇسقاسىن بەكىتتى.

اپوستروف قولدانعاندا ەكى تاڭبامەن ءبىر ءارىپتى بەلگىلەپ، جازىلعان (باسىلعان) سوزدەردىڭ ۇزارىپ قانا قويماي، ءتىلىم-تىلىم بولىپ ءبولىنىپ قالاتىندىعىن كورگەندە «لاتىنعا كوشەتىن بولدىق!» دەپ ورەكپىگەن قۋانىشىمىز سۋ سەپكەندەي باسقانىن جاسىرىپ قايتەمىز. بۇل جايىندا الەۋمەتتىك جەلىلەردە دە، ءوزارا باس قوسۋلاردا دا كوپ ايتىلىپ جۇرگەنىن ءبارىمىز بىلەمىز.

ءتىلىمىزدىڭ دىبىستالۋ ەرەكشەلىگىنە ساي تىم كوبەيىپ كەتەتىن ۇتىرلەرگە قاراپ، قۋاقىلاۋ ارىپتەستەر ءتۇرلى تەڭەۋلەر تاپتى. ءسويتىپ«اتتەگەن-اي» دەپ قىسىلىپ جۇرگەندە جاڭا ءالىپبىي بەكىتىلىپ  «ۋھ!» دەگەندەي بولدىق.

الدىڭعى نۇسقا بويىنشا 9 ءارىپتى ءبىر تەرىپ، قاسىنا ۇستىڭگى ءۇتىردى (اپوستروفتى) ءبىر تەرىپ، ءبىرتۇتاس ءسوزدى جۇلىم-جۇلىم ەتكەنشە 6 اكۋتتى (نوقاتتى) ءارىپتى جانە دە جاھاندىق ءتىل – اعىلشىننان ۇيرەنشىكتى بولىپ كەتكەن «ش»، «چ» ارىپتەرىنىڭ  قوساق تاڭباسىن پايدالانۋ الدەقايدا ءتيىمدى ءارى ەستەتيكالىق تۇرعىدان العاندا تارتىمدى بولعانىن بايقادىق.

ق ر اقپارات جانە كوممۋنيكاسيالار ءمينيسترى داۋرەن ابايەۆتىڭ پىكىرىندە ايتىلعانداي، الىپبيدەگى اپوستروف ارنايى بەلگى رەتىندە بارلىعىن ءبولىپ تۇرىپ، ينتەرنەتتەگى ىزدەۋ مەن قارجى قىزمەتىندە قيىندىقتار تۋدىراتىندىعى ءوز الدىنا ءبىر ماسەلە.

ارىپتەردىڭ ەكەۋىن ەسەپتەمەگەندە قالعان 30-نا ءبىر دىبىس، ءبىر تاڭبا كەلىپ تۇرعان سوڭعى نۇسقا  كوپشىلىك پىكىرىنىڭ ەسكەرىلگەندىگىنىڭ ايقىن كورىنىسى رەتىندە دە حالىققا جاعىمدى جاڭالىق شىعار دەپ ويلايمىن.

ەندىگى جەردە ماسەلە سوزدەن ىسكە تەزىرەك كوشىپ، جاڭا ءالىپبي نۇسقاسىنىڭ ءتيىمدى ومىرشەڭدىگىن دالەلدەيتىندەي باعدارلامالار جاساپ، ونى كوپشىلىككە ءتۇسىندىرىپ، تاراتۋ قاجەت. جالپى جۇرت بولىپ تالقىلاعان ءالىپبي نۇسقاسى بولاشاقتىڭ اسەم دە قولايلى ءتىلتاڭباسىنا اينالىپ، كوپتىڭ كەرەگىنە جارايتىنا سەنىمدىمىن.

اقتولقىن قۇلسارييەۆا، پروفەسسور، اباي اتىنداعى قازۇپۋ-دىڭ عىلىمي جۇمىس جانە حالىقارالىق  ىنتىماقتاستىق جونىندەگى پرورەكتورى

 

https://dalanews.kz/33351