اقتوبەدەگى تراگەدياعا قاتىستى جاڭا دەرەك شىقتى، دەپ حابارلايدى Dalanews.kz.
9 اقپاندا شامامەن ساعات 12:00-دە اقتوبە قالاسىنداعى جەكە تۇرعىن ۇيلەردىڭ بىرىنەن 1993 جىلى تۋعان ايەلدىڭ جانە ونىڭ ءۇش بالاسىنىڭ سۇيەگى تابىلعان.
"الدىن الا مالىمەت بويىنشا قايعىلى وقيعانىڭ سەبەبى تابيعي گازدان ۋلانۋ بولۋى مۇمكىن. بۇل دەرەك بويىنشا سوتقا دەيىنگى تەرگەپ-تەكسەرۋ باستالدى. وقيعانىڭ بارلىق ءمان-جايىن انىقتاۋعا باعىتتالعان تەرگەۋ جۇرگىزىلىپ جاتىر. تۇپكىلىكتى قورىتىندى ساراپتامالاردىڭ ناتيجەلەرى بويىنشا جاسالادى"، - دەدى ءوڭىر پوليسياسى.
پوليسيا ازاماتتاردى تەك رەسمي اقپارات كوزدەرىنە سەنۋگە جانە تەكسەرىلمەگەن مالىمەتتى تاراتۋدان باس تارتۋعا شاقىردى.
ەسكە سالايىق، بۇعان دەيىن وبلىس اكىمدىگى وقيعانىڭ ەگجەي-تەگجەيىن مالىمدەدى.
