پرەزيدەنت حاتتى سول بويدا اشىپ, 10 بالالى وتباسىنان شىققان وقۋشىنىڭ اتا-اناسىنا باسپانا بەرٸلەتٸنٸن ايتتى. «اعاڭ كٶمەكتەسەدٸ» دەپ ٷي سۇراعان وقۋشىنىڭ حاتىن پرەزيدەنت اقتٶبە وبلىسىنىڭ ەكٸمٸ بەردٸبەك ساپارباەۆتىڭ قولىنا ۇستاتقانىنا كٶپشٸلٸك كۋە.
تٶرت ايدىڭ ٸشٸندە باسپانالى بولىپ ٷلگەرگەن بولار دەپ كٶپبالالى وتباسىن ٸزدەدٸك. قالادان تاپپاعان سوڭ اقتٶبەدەن 220 شاقىرىم قاشىقتىقتاعى قارابۇتاق اۋىلىندا تۇراتىن اتا-اناسىن ٸزدەپ باردىق.
– باسپانالى بولماق تٷگٸلٸ, قارا باسىمىز قايعى بولىپ وتىر. پرەزيدەنت كەتكەن بويدان بالامدى ديرەكتور كابينەتٸنە بٸر اپتا سٷيرەگەن. ەلباسى ەكٸ سٶيلەمەيتٸن ادام ەدٸ... ەلدە پرەزيدەنت سٶزٸنٸڭ جەردە قالىپ تۇرعانى ما, بٸلمەيمٸن. نازارباەۆ مەكتەبٸندەگٸ ينتەرناتقا بالامدى بيىلدان باستاپ كٸرگٸزبەي جاتىر. ولار «قالادا تٸركەۋدە ەكەنسٸڭدەر, ينتەرناتقا جاتقىزا المايمىز» دەپ وتىر. ەندٸ بالام پەتەر جالداپ تۇراتىن اعاسىنىڭ ٷيٸنەن قاتىنايدى. ساباعى ناشارلاپ كەتەتٸن بولدى, – دەيدٸ الاڭداعان اناسى بيبٸجامال جۇماعۇلوۆا.
– وعان پرەزيدەنتكە حات جاز دەپ ايتقان جوقپىز. بالام نەگٸزٸ كٶپ سٶيلەمەيدٸ. پرەزيدەنتكە حات جازۋ قالاي ويىنا كەلٸپ جٷرگەنٸن بٸلمەيمٸن. شەشەسٸنٸڭ بالالاردى شۇبىرتىپ, ەكٸمشٸلٸكتەن ٷي سۇراپ, سالپاقتاپ جٷرگەنٸن كٶرەدٸ. ٷيدە ەشكٸم جۇمىس ٸستەمەگەن سوڭ قالادا بالالار تۇراتىن پەتەردٸڭ اقشاسىن تٶلەيتٸن كەزدە ٷلكەن ايقاي بولادى. ونىڭ حات جازعانىن, نازارباەۆتىڭ ٷي بەرەمٸن دەگەنٸن ينتەرنەتتەن وقىدىق. مەكتەپتە ٷلكەن ايقاي بولعانىن دا كەيٸن ەستٸدٸك. ونى دا مۇعالٸمدەردٸڭ ٶزٸ حابارلاسىپ ايتتى. «بالاعا شامالى سٶيلەپ ەدٸك, كەشٸرەرسٸزدەر» دەپ حابارلاستى. ولاردىڭ ينتەرناتتان شىعارامىن دەگەندەرٸ قيىن بولىپ تۇر. قالادا ٷيٸم بولسا بالامدى ينتەرناتقا جاتقىزبايمىن عوي, – دەيدٸ ەكەسٸ جاڭابەك جۇماعۇلوۆ.
نازارباەۆ اتىنداعى زيياتكەرلٸك مەكتەپتە ارمان 7 سىنىپتان بەرٸ وقىپ كەلەدٸ.
– اۋىل ٷشٸن بالامنىڭ نازارباەۆ مەكتەبٸندە وقىپ جاتقانى ماقتانىش ەمەس پە? ول جاققا ٶزٸ ەڭبەگٸمەن تٷستٸ. «ەكە سول مەكتەپكە اپارشى» دەگەن سوڭ باعىن سىناسىن دەپ اپارعانىمدا ٶتٸپ كەتتٸ. بالالاردىڭ بەرٸن توعىز بٸتٸرتٸپ, كوللەدجگە وقۋعا جٸبەرٸپ جاتىرمىن. ٶمٸر سٷرۋ كەرەك. ٷيدە ەشكٸم جۇمىس ٸستەمەيدٸ. اۋىلدا جۇمىس جوق. شەشەمنٸڭ زەينەتاقىسى مەن بالانىڭ جەردەماقىسىنا قاراپ وتىرمىز. ٷلكەن قىزىم كوللەدج بٸتٸرٸپ, قالادا جۇمىس ٸستەپ جاتىر. ودان كەيٸنگٸسٸ دە بيىل بٸتٸرگەنٸمەن, جۇمىس تابا الماي جٷر. 9 -شى كلاسس بٸتٸرگەن تاعى بٸر قىزىمدى كوللەدجگە جٸبەرٸپ جاتىرمىن. ارمان نازارباەۆ مەكتەبٸنٸڭ ينتەرناتىندا جاتاتىن ەدٸ. انا جاقتان شىعارعاننان كەيٸن ول دا سول پەتەردە تۇرىپ جاتىر. قازٸر التاۋى بٸر پەتەر جالدايدى, – دەيدٸ ەكەسٸ.
وتباسى ٷي الۋ ٷشٸن قالاعا تٸركەۋدە بولعانىمەن, قارابۇتاق اۋىلىندا تۇرىپ جاتىر. كەمەلەتتٸك جاسقا تولماعان التى بالا بار.
– پرەزيدەنتپەن كەزدەسەردٸڭ الدىندا بالام اۋىلعا كەلگەن ەدٸ. مۇعالٸمدەردٸڭ ٶزدەرٸ شاقىرىپ الدى. «پرەزيدەنت كەلگەندە تۇراتىن 20 بالانىڭ ٸشٸندە بارسىڭ» دەپ حابارلاسقاندا ۇلىمدى تاكسيگە مٸنگٸزٸپ جٸبەردٸم. بارعان سوڭ «پاپا, مەدالدارىمدى سالىپ جٸبەر» دەدٸ. پرەزيدەنت كەلگەندە بۇل موينىنا مەدالدارىن ٸلٸپ تۇرعاسىن شاقىرعان شىعار. پرەزيدەنتتٸڭ ٶزٸ قاسىنا جاقىنداپ سٶيلەسكەن. ونىڭ بەرٸن بالام اۋىلعا كەلگەننەن كەيٸن سۇراپ بٸلدٸك. كٶرشٸلەر «ٷي الىپسىڭدار» دەپ قۇتتى بولسىن ايتىپ جاتىر. ال بالامنىڭ جايى اناۋ. ەكەۋمٸزدٸڭ جۇمىسسىز ەكەنٸمٸز تۋرالى انىقتامانى دا الا الماي وتىرمىز. اۋىل قالاعا, قالا اۋىلداعى ەكٸمشٸلٸككە سٸلتەيدٸ, – دەيدٸ التىن القالى ون بالانىڭ اناسى بيبٸجامال جۇماعۇلوۆا.
پرەزيدەنت كٶمەك سۇراعان بالا تٸلەگٸنٸڭ ورىندالىپ, ٷيدٸڭ بەرٸلەتٸنٸن ايتىپ كەتكەن وتباسىعا جەرگٸلٸكتٸ ەكٸمشٸلٸكتەن باسپانانى تەك كەزەگٸمەن الا التىندىعى تۋرالى حابارلاما كەلگەن.
