اقتٶبەدە نەمەرەسٸ پىشاقتاعان زەينەتكەردٸڭ جاعدايى بەلگٸلٸ بولدى

اقتٶبەدە نەمەرەسٸ پىشاقتاعان زەينەتكەردٸڭ جاعدايى بەلگٸلٸ بولدى, دەپ حابارلايدى Dalanews.kz stan.kz-كە سٸلتەپ.

نەمەرەسٸنٸڭ شابۋىلىنان امان قالعان 71 جاستاعى قارييا ەسەڭگٸرەپ قالعان. ول سول كٷندٸ ەسٸنە دە العىسى كەلمەي, تٷندە شوشىپ وياناتىنىن ايتقان.

اقتٶبەدە اناسىن پىشاقتاپ ٶلتٸردٸ دەگەن مەكتەپ وقۋشىسى ەجەسٸنە دە اۋىر جاراقات سالعان. 71 جاستاعى زەينەتكەر 2 جەلتوقساندا تٷنگٸ ساعات 01:40-تا №1 قالالىق كٶپسالالى اۋرۋحاناعا جەتكٸزٸلگەن.

دەرٸگەرلەردٸڭ ايتۋىنشا, قارييانىڭ دەنەسٸندە كٶپتەگەن جاراقات بار.

"بەس جەرٸنەن جاراقات العان, قابىرعاسى سىنعان. كەۋدە قۋىسىنا, ٸش قۋىسىنا جابىق جاراقات سالعان. اياق-قولى كەسٸلگەن. بارلىق دياگنوستيكالىق شارا جٷرگٸزٸلدٸ. قازٸر جاعدايى ورتاشا اۋىر. ەم تولىق جٷرگٸزٸلٸپ جاتىر. “ەستٸمەيمٸن, بالام ەستٸمەيمٸن" دەپ ەشتەڭە ايتپايدى. ەڭگٸمەسٸن ايتادى. بٸراق سۇراق قويساڭ, ەستٸمەيدٸ", – دەدٸ №1 قالالىق كٶپسالالى اۋرۋحانانىڭ باس دەرٸگەرٸ قادٸربەك يمانباەۆ.

ەسكە سالايىق, بۇعان دەيٸن اقتٶبەدە جانتٷرشٸگەرلٸك وقيعا تٸركەلدٸ. 16 جاستاعى جاسٶسپٸرٸم ٶز اناسىن ٶلتٸرٸپ, ەجەسٸن جارالاعان دەگەن كٷدٸككە ٸلٸندٸ.