اقتوبەدە گونكونگ تۇماۋىنىڭ 97 جاعدايى تىركەلدى. ناۋقاستاردىڭ ىشىندە ەكى جۇكتى ايەل جانە 14 جاسقا تولماعان 72 بالانىڭ بار ەكەنى بەلگىلى بولدى، دەپ حابارلايدى Dalanews.kz
اقتوبە وبلىسىنىڭ مەديسينالىق مەكەمەلەرىندە جرۆي دياگنوزى قويىلعان 100-دەن استام ادام ەمدەلۋدى جالعاستىرۋدا. سولاردىڭ 75ء-ى — بالالار. بۇل تۋرالى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى مالىمدەدى.
اقتوبە وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى رايحان كويشانوۆانىڭ حابارلاۋىنشا، ا ءتيپتى تۇماۋ (H3N2 شتاممى) 97 ادامنان انىقتالعان. ولاردىڭ 72ء-سى 14 جاسقا دەيىنگى بالالار بولسا، ەكى جاعداي — جۇكتى ايەلدەردە تىركەلگەن.
ونىڭ ايتۋىنشا، اقتوبەدەگى جالپى ءبىلىم بەرەتىن مەكتەپتەردە ماسكا تاعۋ رەجيمى ەنگىزىلگەن جوق، قوسىمشا شەكتەۋ شارالارى دا قاراستىرىلماعان.
— وقۋ ۇيىمدارى قالىپتى، ءداستۇرلى فورماتتا جۇمىس ىستەپ جاتىر. ەپيدەميولوگيالىق جاعداي تۇراقتى كۇيىندە ساقتالۋدا، — دەدى رايحان قويشانوۆا.
