اقتوبەدە ايەل كۇيەۋىنىڭ سوققىسىنان كوز جۇمعان، دەپ حابارلايدى Dalanews.kz.

اقتوبە سوتتارى مالىمەتىنشە، ەر ادام ايەلىنىڭ باسىنان بىرنەشە رەت ۇرعان، سودان كەيىن ونىڭ جاعدايى كۇرت ناشارلاعان. ايەل توسەكتەن تۇرماعان، ۇيدەن شىعۋدى قويعان. العاش رەت جەدەل جاردەم شاقىرعاندا دارىگەرلەر اۋرۋحاناعا جاتۋدى ۇسىنعانمەن، جابىرلەنۋشى ودان باس تارتقان. ەكىنشى رەت جادەل جاردەم شاقىرعان كەزدە ول اۋرۋحاناعا جەتكىزىلگەن، ءبىراق جانساقتاۋ بولىمىندە قايتىس بولعان.

سوت وتىرىسى بارىسىندا سوتتالۋشى سول وقيعادان ءبىر اي بۇرىن ايەلىنە زورلىق-زومبىلىق كورسەتكەنى راستالعان. ەر ادام ايەلدىڭ بەتىنەن ءۇش رەت ۇرعان، ال جابىرلەنۋشى ءوزىن قورعاماق بولعاندا تاعى ەكى رەت ۇرعان. ايەل سوققىدان قۇلاعان، ءبىراق ول كەزدە دە اۋرۋحاناعا بارماعان.

سوت-مەديسينالىق ساراپتامانىڭ قورىتىندىسىنا سايكەس ولىمگە باس سۇيەك-مي جاراقاتى سەبەپ بولعان.

سوت ەر ادامدى 8 جىلعا باس بوستاندىعىنان ايىردى. سونىمەن قاتار، سوت اقتوبە وبلىستىق دەنساۋلىق ساقتاۋ باسقارماسىنىڭ باسشىسىنان جەدەل جاردەم قىزمەتىنىڭ جۇمىسىندا انىقتالعان كەمشىلىكتەردى جويۋدى جانە الداعى ۋاقىتتا مۇنداي جاعدايلارعا جول بەرمەۋدى تالاپ ەتىپ، جەكە قاۋلى شىعاردى.

ۇكىم زاڭدى كۇشىنە ەنگەن جوق.