Aqtóbede áiel kúieýiniń soqqysynan kóz jumǵan, dep habarlaidy Dalanews.kz.
Aqtóbe sottary málimetinshe, er adam áieliniń basynan birneshe ret urǵan, sodan keiin onyń jaǵdaiy kúrt nasharlaǵan. Áiel tósekten turmaǵan, úiden shyǵýdy qoiǵan. Alǵash ret jedel járdem shaqyrǵanda dárigerler aýrýhanaǵa jatýdy usynǵanmen, jábirlenýshi odan bas tartqan. Ekinshi ret jádel járdem shaqyrǵan kezde ol aýrýhanaǵa jetkizilgen, biraq jansaqtaý bóliminde qaitys bolǵan.
Sot otyrysy barysynda sottalýshy sol oqiǵadan bir ai buryn áieline zorlyq-zombylyq kórsetkeni rastalǵan. Er adam áieldiń betinen úsh ret urǵan, al jábirlenýshi ózin qorǵamaq bolǵanda taǵy eki ret urǵan. Áiel soqqydan qulaǵan, biraq ol kezde de aýrýhanaǵa barmaǵan.
Sot-meditsinalyq saraptamanyń qorytyndysyna sáikes ólimge bas súiek-mi jaraqaty sebep bolǵan.
Sot er adamdy 8 jylǵa bas bostandyǵynan aiyrdy. Sonymen qatar, sot Aqtóbe oblystyq densaýlyq saqtaý basqarmasynyń basshysynan jedel járdem qyzmetiniń jumysynda anyqtalǵan kemshilikterdi joiýdy jáne aldaǵy ýaqytta mundai jaǵdailarǵa jol bermeýdi talap etip, jeke qaýly shyǵardy.
Úkim zańdy kúshine engen joq.
