اقتٶبەدە 5 كٷدٸكتٸنٸڭ كٶزٸ جويىلدى
"جەدەل-تەرگەۋ شارالارى نەتيجەسٸندە تەرروريستەردٸڭ نەكراسوۆ كٶشەسٸندەگٸ ٷيدٸڭ پەتەرٸندە ەكەنٸ انىقتالدى. ۇقك مەن ٸشكٸ ٸستەر مينيسترلٸگٸنٸڭ ارنايى ماقساتتاعى قۇرىلىمدارى تەرروريستەر ورنالاسقان پەتەردٸ قورشاپ, جاپتى. كەلٸسسٶز كەزٸندە تەرروريستەر ٶز ەركٸمەن بەرٸلۋدەن باس تارتىپ, وق اتتى" دەلٸنگەن رەسمي حابارلامادا. بۇدان كەيٸنگٸ كەلٸسسٶز "نەتيجەسٸز" بولىپ, ارنايى جاساق پەتەرگە شابۋىلداپ تٶرت كٷدٸكتٸنٸڭ كٶزٸن جويعان.
وسى ۋاقىتتا مياسوەدوۆ پەن ارىنوۆ كٶشەلەرٸنٸڭ قيىلىسىندا "تەرروريستەردٸڭ سەرٸگٸ" پاترۋل پوليتسيياسى ەكيپاجىنا "تەگٸس ۇڭعىلى قارۋدان وق اتىپ", ٶزٸ پوليتسييا قىزمەتكەرلەرٸنٸڭ قارسى اتقان وعىنان مەرت بولعان. ەكٸ پوليتسييا قىزمەتكەرٸ جەڭٸل جارالانعان.
ۇقك مەلٸمەتٸنشە, وپەراتسييادان بەيبٸت تۇرعىندار مەن قاۋٸپسٸزدٸك كٷشتەرٸ قىزمەتكەرلەرٸ اراسىندا قازا تاپقاندار مەن زارداپ شەككەندەر جوق.
اقتٶبەدە 5 ماۋسىمدا بولعان شابۋىلدارعا كٷدٸكتٸلەردٸ ۇستاۋ, كٶزٸن جويۋ وپەراتسيياسى 10 ماۋسىم كٷنٸ تٷندە نەكراسوۆ كٶشەسٸ بويىنداعى "وترار" دٷكەنٸ ورنالاسقان ٷيدە باستالعان.
قازٸر اقتٶبەدە شابۋىلعا كٷدٸكتٸ قالعان ادامداردى ٸزدەستٸرۋ جۇمىستارى جٷرٸپ جاتىر. ۇقك تەررورعا قارسى وپەراتسييانىڭ اياقتالعانى تۋرالى قوسىمشا حابارلاناتىنىن ايتادى.
