اقتوبە وبلىسىنداعى تىكۇشاق اپاتىنا قاتىستى قىلمىستىق ءىس قوزعالدى، - دەپ حابارلايدى Dalanews.kz.
9 قاراشادا اقتوبە وبلىسىنداعى اەرودروم اۋماعىندا وقۋ-جاتتىعۋ ۇشۋلارىن ورىنداۋ كەزىندە مي-8 تىكۇشاعى قاتتى قونىپ، ارتىنشا وتىن باكتارى ورتەنگەن.
"وسى دەرەك بويىنشا قىلمىستىق ءىس قوزعالدى. وقيعا ورنىندا تەرگەۋ ورگاندارى جۇمىس ىستەپ جاتىر"، - دەپ جازىلعان ق ر ءىىم ءاتد باتىس وڭىرلىك اسكەري-تەرگەۋ باسقارماسىنىڭ حابارلاماسىندا.
قورعانىس مينيسترلىگى مالىمەتىنشە، 9 قاراشادا اقتوبە وبلىسى سارىجار اۋىلىنىڭ ماڭىندا اۋە قورعانىسى كۇشتەرى اسكەري ينستيتۋتىنىڭ مي-8 تىكۇشاعى وقۋ-جاتتىعۋ ۇشۋلارىن ورىنداۋ كەزىندە اپات جاعدايىندا قونعان.
بورتتا بولعان 3 ەكيپاج مۇشەسىنىڭ 2-ەۋى اۋرۋحاناعا جەتكىزىلدى.
ولارعا قاجەت مەديسينالىق كومەك كورسەتىلدى. ەكيپاج مۇشەلەرىنىڭ ءبىرى قازا تاپتى.
"اۆياسيالىق وقيعانىڭ الدىن-الا سەبەبى - تەحنيكالىق اقاۋلىق. وقيعانىڭ ءمان-جايى انىقتالىپ جاتىر. جەرگىلىكتى جەردە ۆەدومستۆوارالىق جەدەل توپ جۇمىس ىستەپ جاتىر"، - دەپ جازىلعان حابارلامادا.
