Aqtóbe oblysyndaǵy tikushaq apatyna qatysty qylmystyq is qozǵaldy, - dep habarlaidy Dalanews.kz.
9 qarashada Aqtóbe oblysyndaǵy aerodrom aýmaǵynda oqý-jattyǵý ushýlaryn oryndaý kezinde MI-8 tikushaǵy qatty qonyp, artynsha otyn baktary órtengen.
"Osy derek boiynsha qylmystyq is qozǵaldy. Oqiǵa ornynda tergeý organdary jumys istep jatyr", - dep jazylǵan QR IIM ÁTD Batys óńirlik áskeri-tergeý basqarmasynyń habarlamasynda.
Qorǵanys ministrligi málimetinshe, 9 qarashada Aqtóbe oblysy Saryjar aýylynyń mańynda Áýe qorǵanysy kúshteri áskeri institýtynyń Mi-8 tikushaǵy oqý-jattyǵý ushýlaryn oryndaý kezinde apat jaǵdaiynda qonǵan.
Bortta bolǵan 3 ekipaj múshesiniń 2-eýi aýrýhanaǵa jetkizildi.
Olarǵa qajet meditsinalyq kómek kórsetildi. Ekipaj músheleriniń biri qaza tapty.
"Aviatsiialyq oqiǵanyń aldyn-ala sebebi - tehnikalyq aqaýlyq. Oqiǵanyń mán-jaiy anyqtalyp jatyr. Jergilikti jerde vedomstvoaralyq jedel top jumys istep jatyr", - dep jazylǵan habarlamada.
