اقتوبە وبلىسىندا پىشاق جاراقاتىنان ءجاسوسپىرىم كوز جۇمدى، دەپ حابارلايدى Dalanews.kz.
شالقار قالاسىندا 20 ناۋرىزعا قاراعان ءتۇنى بولعان توپتىق توبەلەس سالدارىنان 17 جاستاعى ءجاسوسپىرىم قازا تاپتى.
تۋىستارىنىڭ ايتۋىنشا، ول پىشاق جاراقاتىن الىپ، وقيعا ورنىندا كوز جۇمعان. مارقۇم جۋىردا مەكتەپ ءبىتىرىپ، جۇمىس ىستەپ جۇرگەن، الداعى ۋاقىتتا اسكەرگە بارىپ، كەيىن جوعارى وقۋ ورنىنا ءتۇسۋدى جوسپارلاعان.
قايعىلى وقيعاعا قاتىستى قىلمىستىق ءىس قوزعالدى. توبەلەسكە قاتىسقان بارلىق ادام انىقتالىپ، پوليسيا بولىمىنە جەتكىزىلگەن.
كۇدىكتىلەر دە كامەلەتكە تولماعان. تەرگەۋ ءىسى پوليسيا باسشىلىعىنىڭ باقىلاۋىندا.
