اقتوبە وبلىسىندا اگرارلىق-ونەركاسىپتىك كەشەندى سۋبسيديالاۋعا بولىنگەن 1 ملرد تەڭگە جىمقىرىلعان، - دەپ حابارلايدى Dalanews.kz قما-عا سىلتەپ.
"سىباعا" مەملەكەتتىك باعدارلاماسى اياسىندا "اگرارلىق نەسيە كورپوراسياسى" اق اقتوبە فيليالىنان نەسيە الۋ كەزىندەگى الاياقتىق فاكتىلەرى انىقتالعان.
تەرگەۋ بارىسىندا 4 شارۋا قوجالىعىنىڭ وكىلدەرى جالعان قۇجاتتاردى پايدالانا وتىرىپ، اسىل تۇقىمدى ءىرى قارا مال ساتىپ الۋعا بولىنگەن مەملەكەتتىك سۋبسيديالار مەن كرەديتتىك قاراجاتتى قولدى قىلعان ءۇش ادام انىقتالدى.
قۇقىققا قايشى ارەكەتتەرمەن مەملەكەتكە جالپى سوماسى 1 ملرد تەڭگەگە جۋىق ءىرى مولشەردە زالال كەلتىرىلدى. سوتقا دەيىنگى تەرگەۋ بارىسىندا زالال وتەلدى.
اگروونەركاسىپتىك كەشەن سالاسىنداعى اسا ءىرى مولشەردەگى الاياقتىق ءۇشىن سوت ۇكىمىمەن ءۇش ادام 5 جىلعا باس بوستاندىعىنان ايىرىلدى.
سوتتالۋشىلاردىڭ جىلجىمالى جانە جىلجىمايتىن مۇلىكتەرى مەملەكەت پايداسىنا تاركىلەندى.
