اقتوبە وبلىسى العا اۋدانىنا قاراستى اۋىل اكىمدەرىنىڭ ءبىرى – 47 جاستاعى شەنەۋنىك 7 شىلدە كۇنى وز-وزىنە قول جۇمساماق بولعان. بۇل تۋرالى العا اۋدانىنىڭ اكىمى اسلانبەك شۇىنشالييەۆ رەسمي تۇردە حابارلادى، دەپ حابارلايدى Dalanews.kz.
اۋدان اكىمىنىڭ ايتۋىنشا، سۋيسيد ارەكەتىنىڭ الدىن شەنەۋنىكتىڭ ايەلى دەر كەزىندە العان شارالاردىڭ ارقاسىندا توقتاتقان.
"وقيعادان كەيىن ول اۋىر جاعدايدا اۋرۋحاناعا جەتكىزىلدى. نەلىكتەن ونداي قادامعا بارعانىن ناقتى ايتا المايمىن – بۇل جەكە ماسەلە"، – دەدى اسلانبەك شۇىنشالييەۆ Tengrinews.kz-كە بەرگەن جاۋابىندا.
اقتوبە وبلىستىق دەنساۋلىق ساقتاۋ باسقارماسىنىڭ مالىمەتىنشە، ەر ادام 7 شىلدەدە العا اۋداندىق اۋرۋحاناسىنا تۇسكەن. قازىرگى ۋاقىتتا ونىڭ جاعدايى تۇراقتى، جالپى پالاتادا ەم قابىلداپ جاتىر.
نەلىكتەن مۇنداي ارەكەتكە بارعانى ازىرگە بەلگىسىز. وبلىستىق پوليسيا دەپارتامەنتى بۇل فاكتى بويىنشا سوتقا دەيىنگى تەرگەپ-تەكسەرۋ امالدارىن باستاعانىن حابارلادى.
"سۋيسيد جاساۋعا وقتالۋ فاكتىسى بويىنشا تەرگەۋ جۇرگىزىلۋدە. قوسىمشا مالىمەتتەر تەرگەۋ مۇددەسىنە بايلانىستى جاريالانبايدى"، – دەپ مالىمدەدى پوليسيا دەپارتامەنتىنىڭ باسپا ءسوز قىزمەتى.
