Aqtóbe oblysy Alǵa aýdanyna qarasty aýyl ákimderiniń biri – 47 jastaǵy sheneýnik 7 shilde kúni óz-ózine qol jumsamaq bolǵan. Bul týraly Alǵa aýdanynyń ákimi Aslanbek Shúinsháliev resmi túrde habarlady, dep habarlaidy Dalanews.kz.
Aýdan ákiminiń aitýynsha, sýitsid áreketiniń aldyn sheneýniktiń áieli der kezinde alǵan sharalardyń arqasynda toqtatqan.
"Oqiǵadan keiin ol aýyr jaǵdaida aýrýhanaǵa jetkizildi. Nelikten ondai qadamǵa barǵanyn naqty aita almaimyn – bul jeke másele", – dedi Aslanbek Shúinsháliev Tengrinews.kz-ke bergen jaýabynda.
Aqtóbe oblystyq densaýlyq saqtaý basqarmasynyń málimetinshe, er adam 7 shildede Alǵa aýdandyq aýrýhanasyna túsken. Qazirgi ýaqytta onyń jaǵdaiy turaqty, jalpy palatada em qabyldap jatyr.
Nelikten mundai áreketke barǵany ázirge belgisiz. Oblystyq politsiia departamenti bul fakti boiynsha sotqa deiingi tergep-tekserý amaldaryn bastaǵanyn habarlady.
"Sýitsid jasaýǵa oqtalý faktisi boiynsha tergeý júrgizilýde. Qosymsha málimetter tergeý múddesine bailanysty jariialanbaidy", – dep málimdedi politsiia departamentiniń baspasóz qyzmeti.
