ماڭعىستاۋ وبلىسى ورتالىعىنداعى اۆتوبۋستاردىڭ ءبىر بولىگى سوڭعى رەت 2011 جىلى جاڭارتىلعان بولاتىن. 2020 جىلعا دەيىن قالاداعى اۆتوبۋس مارشرۋتتارىنىڭ قىزمەتتەرىن ەسكى ۇلگىدەگى كولىكتەر اتقارىپ كەلدى.
2020 جىلى ماڭعىستاۋ وبلىسى جانە اقتاۋ قالاسى اكىمدىكتەرىنىڭ قولداۋىمەن «كاسپيي» اكك اق-نا «قازاقستان دامۋ بانكى» اق-نىڭ ليزينگتىك باعدارلاماسى ارقىلى 18 دانا جاڭا اۆتوبۋس ساتىپ الىنىپ، №3، №7 مارشرۋتتارىنا قىزمەت كورسەتۋگە بەرىلدى.
سونىمەن قاتار 2021 جىلدىڭ اقپان ايىندا قالانىڭ №5، №4 مارشرۋتتارىن جاڭارتۋ ماقساتىندا، تاسىمالداۋشى مەكەمە ءوز تاراپىنان 20 اۆتوبۋس اكەلىپ، قولدانىسقا بەردى. وسىلايشا قالامىزداعى قوعامدىق كولىكتەردىڭ 70% جاڭارعان بولاتىن.
الداعى ۋاقىتقا جوسپار بويىنشا قالعان №2، №4 مارشرۋتتاردىڭ اۆتوبۋستارىن جاڭارتۋ ماسەلەسى كۇن تارتىبىندە تۇردى. اتالعان ماسەلەنى شەشۋ بويىنشا ماڭعىستاۋ وبلىسى جانە اقتاۋ قالاسى اكىمدىكتەرىنىڭ قولداۋىمەن «كاسپيي» اكك اق-ى ارقىلى 16 دانا جاڭا اۆتوبۋس ساتىپ الۋ بويىنشا ەكونوميكالىق نەگىزدەمە دايىندالىپ، العاشقى 20% جارناسى مەملەكەت بيۋدجەتىنىڭ ەسەبىنەن تولەنىپ، اۆتوبۋستاردىڭ 12 داناسى اعىمداعى جىلدىڭ ماۋسىم ايىندا قالاعا جەتتى.
بۇل قوعامدىق كولىكتەر تابيعاتى كونتينەنتالدى ماڭعىستاۋ جەرىنە بەيىمدەلگەن. كولىكتەردىڭ ەرەكشەلىگى جازدى كۇندەرى مۇزداتقىشتارىن پايدالانۋعا بولادى، سونداي-اق جەلىسىز ۆاي-فاي، ونلاين تولەم جاساۋعا ۆاليداتورلار ورناتىلعان، مۇگەدەكتەرگە ارنالعان پاندۋستارىمەن، ەڭ باستىسى جولاۋشىلار قاۋىپسىزدىگى ءۇشىن 4 بەينەكامەرامەن جابدىقتالعان. 3 بەينەكامەرا اۆتوبۋستىڭ ىشىندە، 1-ەۋى سىرتىندا ورنالاسقان. اۆتوبۋستارداعى بەينەكامەرالار وبلىستىق پوليسيا دەپارتامەنتىنىڭ جەدەل باسقارۋ ورتالىعىنا تىكەلەي قوسىلادى. بۇل قوعامدىق كولىكتەر 56 جولاۋشىعا ارنالعان.
اتالعان اۆتوبۋستار اعىمداعى جىلدىڭ 1-شىلدەسىنەن باستاپ، قولدانىسقا بەرىلەدى. بۇل ءوز كەزەگىندە قالامىزداعى قوعامدىق كولىكتەردى 100%-عا جاڭارتتى.
