Mańǵystaý oblysy ortalyǵyndaǵy avtobýstardyń bir bóligi sońǵy ret 2011 jyly jańartylǵan bolatyn. 2020 jylǵa deiin qaladaǵy avtobýs marshrýttarynyń qyzmetterin eski úlgidegi kólikter atqaryp keldi.
2020 jyly Mańǵystaý oblysy jáne Aqtaý qalasy ákimdikteriniń qoldaýymen «Kaspii» ÁKK AQ-na «Qazaqstan Damý Banki» AQ-nyń lizingtik baǵdarlamasy arqyly 18 dana jańa avtobýs satyp alynyp, №3, №7 marshrýttaryna qyzmet kórsetýge berildi.
Sonymen qatar 2021 jyldyń aqpan aiynda qalanyń №5, №4 marshrýttaryn jańartý maqsatynda, tasymaldaýshy mekeme óz tarapynan 20 avtobýs ákelip, qoldanysqa berdi. Osylaisha qalamyzdaǵy qoǵamdyq kólikterdiń 70% jańarǵan bolatyn.
Aldaǵy ýaqytqa jospar boiynsha qalǵan №2, №4 marshrýttardyń avtobýstaryn jańartý máselesi kún tártibinde turdy. Atalǵan máseleni sheshý boiynsha Mańǵystaý oblysy jáne Aqtaý qalasy ákimdikteriniń qoldaýymen «Kaspii» ÁKK AQ-y arqyly 16 dana jańa avtobýs satyp alý boiynsha ekonomikalyq negizdeme daiyndalyp, alǵashqy 20% jarnasy memleket biýdjetiniń esebinen tólenip, avtobýstardyń 12 danasy aǵymdaǵy jyldyń maýsym aiynda qalaǵa jetti.
Bul qoǵamdyq kólikter tabiǵaty kontinentaldy Mańǵystaý jerine beiimdelgen. Kólikterdiń ereksheligi jazdy kúnderi muzdatqyshtaryn paidalanýǵa bolady, sondai-aq jelisiz vai-fai, onlain tólem jasaýǵa validatorlar ornatylǵan, múgedekterge arnalǵan pandýstarymen, eń bastysy jolaýshylar qaýipsizdigi úshin 4 beinekameramen jabdyqtalǵan. 3 beinekamera avtobýstyń ishinde, 1-eýi syrtynda ornalasqan. Avtobýstardaǵy beinekameralar oblystyq politsiia departamentiniń Jedel basqarý ortalyǵyna tikelei qosylady. Bul qoǵamdyq kólikter 56 jolaýshyǵa arnalǵan.
Atalǵan avtobýstar aǵymdaǵy jyldyń 1-shildesinen bastap, qoldanysqa beriledi. Bul óz kezeginde qalamyzdaǵy qoǵamdyq kólikterdi 100%-ǵa jańartty.
