ەزەربايجاننىڭ Minval باسىلىمى 1 شٸلدەدە رەسەيلٸك ەۋە شابۋىلىنا قارسى كٷشتەردٸڭ كاپيتانى دميتريي پالاديچۋكتىڭ تٷسٸنٸكتەمەسٸنە نەگٸزدەلگەن مەلٸمەتتەردٸ جارييالادى. قۇجاتتا 2024 جىلعى 25 جەلتوقساندا گروزنىيعا باعىت العان Azerbaijan Airlines (AZAL) ەۋە كومپانيياسىنا تيەسٸلٸ Embraer 190 ۇشاعىنا وق اتۋ بۇيرىعىن دەل وسى كاپيتان بەرگەنٸ ايتىلعان, دەپ حابارلايدى Dalanews.kz.
Minval جازۋىنشا, رەداكتسيياعا اتى-جٶنٸ كٶرسەتٸلمەگەن دەرەككٶزدەن "سەنساتسييالىق ماتەريالدار" كەلٸپ تٷسكەن. ولاردىڭ ٸشٸندە ۇشاققا شابۋىل جاسالعان سەتتٸڭ ۆيدەوجازباسى مەن اۋديوفايلدارى دا بار.
پالاديچۋكتىڭ تٷسٸنٸكتەمەسٸندە Embraer 190 ۇشاعى ناقتى اتالمايدى. وندا تەك "تۇمان سالدارىنان كٶزگە انىق كٶرٸنبەيتٸن نىسانا" جايلى باياندالادى. كاپيتان بيٸكتٸگٸ مەن جىلدامدىعىن بايانداپ, 51-ديۆيزييانىڭ ەسكەري كوماندالىق پۋنكتٸنە بەلگٸسٸز ەۋە نىساناسى تۋرالى حابارلاعان. وسىدان كەيٸن نىسانانى جويۋ تۋرالى بۇيرىق الىپ, وپەراتورعا شابۋىل جاساۋعا پەرمەن بەرگەن. العاشقى زىمىران نىساناعا دٶپ تيمەگەن سوڭ, ەكٸنشٸ رەت اتۋعا بۇيرىق بەرەدٸ.
The Insider باسىلىمىنىڭ دەرەگٸنشە, دميتريي پالاديچۋك رەسەيدٸڭ ەۋە شابۋىلىنا قارسى قورعانىس بٶلٸمدەرٸندە, سونىڭ ٸشٸندە 14-ارمييا قۇرامىندا قىزمەت اتقارعان. ول ٶزٸنٸڭ تٷسٸنٸكتەمە جازعانىن تەلەفون ارقىلى راستاعان. پالاديچۋك جازباسىنداعى "يو" ەرپٸن جازۋ ستيلٸ ەكەنٸ, ال داۋىسى ەزەربايجاندىق اقپارات قۇرالدارى جارييالاعان ۆيدەوداعى داۋىسپەن سەيكەس كەلگەنٸ ايتىلدى.
ەسكە سالساق, AZAL كومپانيياسىنىڭ Embraer 190 جولاۋشىلار ۇشاعى 2024 جىلعى 25 جەلتوقساندا باكۋدەن گروزنىيعا باعىت العان كەزدە اقتاۋ ماڭىندا اپاتقا ۇشىرادى. ۇشاق بورتىندا بەس ەكيپاج مٷشەسٸمەن بٸرگە 67 ادام بولعان. قايعىلى وقيعا سالدارىنان 38 ادام كٶز جۇمىپ, 29 جولاۋشى امان قالعان.
