قازاقستاننىڭ كٶلٸك مينيسترلٸگٸ اقتاۋداعى ۇشاق اپاتىن تەرگەۋگە قاتىستى مەلٸمدەمە جاسادى, دەپ حابارلايدى Dalanews.kz.
چيكاگو كونۆەنتسيياسىنىڭ 13-قوسىمشاسىنا سەيكەس, اپات ورىن العان ەل ۇشاقتىڭ قارا جەشٸگٸن زەرتتەپ, دەرەكتەرٸن وقۋدى قامتاماسىز ەتۋگە مٸندەتتٸ. سونىمەن بٸرگە بۇل دەرەكتەردٸ قاي ەلدە تالدايتىنىن دا ٶزٸ شەشەدٸ.
قازاقستان بۇل كونۆەنتسيياعا 1992 جىلى قوسىلىپ, حالىقارالىق ازاماتتىق اۆياتسييا ۇيىمىنىڭ (يكاو) تولىققاندى مٷشەسٸ اتانعان. وسى تالاپتارعا سٷيەنە وتىرىپ, سونداي-اق ەزەربايجان مەن رەسەيدٸڭ اۆياتسييالىق ورگاندارىمەن اقىلداسقان سوڭ, قر كٶلٸك مينيسترٸ مارات قاراباەۆ باسقاراتىن كوميسسييا Embraer ۇشاعىنىڭ قارا جەشٸگٸن برازيليياداعى CENIPA ورتالىعىنا جٸبەرۋ تۋرالى شەشٸم قابىلدادى.
CENIPA – اۆياتسييالىق وقيعالاردى زەرتتەۋگە ارنالعان حالىقارالىق دەڭگەيدەگٸ مامانداندىرىلعان ورتالىق. وندا دەرەكتەردٸ وقۋعا قاجەتتٸ قۇرال-جابدىقتار مەن سەرتيفيكاتتالعان زەرتحانا بار.
مينيسترلٸكتٸڭ ايتۋىنشا, بۇل مەسەلە مەملەكەت باسشىسىنىڭ تٸكەلەي باقىلاۋىندا.
ايتا كەتەيٸك, بۇعان دەيٸن كٶلٸك ۆيتسە-مينيسترٸ تالعات لاستاەۆ اپاتقا ۇشىراعان ۇشاقتان تابىلعان قارا جەشٸكتٸڭ قاشان اشىلاتىنى جايلى مەلٸمدەمە جاساعان ەدٸ.
لاستاەۆتىڭ ايتۋىنشا, ونى اشۋدىڭ ناقتى قادامى بار.
"ەڭ الدىمەن, ەۋە اپاتىن زەرتتەۋ بويىنشا ارنايى كوميسسييا قۇرىلادى. سول كوميسسييا وقيعانىڭ مەن-جايىن زەرتتەپ, بارلىق اقپاراتتى تالداي وتىرىپ, قارا جەشٸكتٸ اشۋ بويىنشا شەشٸم قابىلدايدى. قازٸرگٸ ۋاقىتتا بۇل پروتسەسس جٷرٸپ جاتىر – ۇشاقتىڭ فراگمەنتتەرٸ مەن بٶلشەكتەرٸ جينالۋدا. ەرتەڭ وقيعا ورنىنا ساراپشىلار بارادى. ۇشاقتىڭ شىققان ەلٸ – برازيلييا,” – دەپ اتاپ ٶتتٸ تالعات لاستاەۆ.
ونىڭ سٶزٸنشە, قازاقستانعا ەۋە تاسىمالداۋشى كومپانييانىڭ ٶكٸلدەرٸ دە كەلمەك. بارلىق تاراپ جينالعاننان كەيٸن, قارا جەشٸكتٸڭ قاشان اشىلاتىنى بەلگٸلٸ بولادى.
ەسكە سالايىق, 25 جەلتوقساندا اقتاۋ ماڭىندا ۇشاق قۇلادى. وسىعان بايلانىستى تجم تٷسٸنٸكتەمە بەردٸ.
"اقتاۋدا ۇشاق قۇلاعان ورىنعا قازاقستان تجم جەكە قۇرامىنان 52 ادام جەنە 11 بٸرلٸك تەحنيكاسى باردى. وقيعا ورنىنا كەلگەن بويدا ەۋە كەمەسٸ جانىپ جاتتى. قۇتقارۋ بٶلٸمشەلەرٸ ٶرتتٸ سٶندٸرۋگە كٸرٸستٸ", - دەدٸ ولار.
