اقتاۋدا نازارباەۆ زيياتكەرلٸك مەكتەبٸنٸڭ قىزمەتكەرٸ جۇمىسقا ماس كٷيدە كەلگەن. مۋزىكا پەنٸنٸڭ كٶركەمدٸك جەتەكشٸسٸنٸڭ ەدەپسٸز قىلىعىن وقۋشىلار ۆيدەوعا تٷسٸرٸپ العان, دەپ حابارلايدى dalanews.kz "كتك" تەلەارناسىنا سٸلتەپ.
تەلەارنا مەلٸمەتٸنشە, بٸلٸم الۋشىلار ونىڭ بۇعان دەيٸن دە بٸرنەشە رەت ٸشٸمدٸككە سىلقييا تويىپ الىپ مەكتەپكە كەلٸپ جٷرگەنٸن ايتقان. ال قىزمەتكەر بۇل ەرسٸ قىلىعى ٷشٸن كەشٸرٸم سۇراپ, ٸشٸمدٸك ٸشٸپ كەلگەنٸن اشىق مويىنداعان. ول جۇمىسقا ماس كٷيٸندە كەلٸپ, بالالاردىڭ كٶزٸنشە بالاعات سٶزدەر ايتقان.
مەكتەپ ەكٸمشٸلٸگٸ قىزمەتكەرگە ٸشكٸ تەرتٸپكە ساي تەرگەپ-تەكسەرۋ جٷرگٸزٸلٸپ جاتقانىن مەلٸمدەدٸ.
"ەلەۋمەتتٸك جەلٸدە تاراپ كەتكەن اقپارات بويىنشا مەكتەپتە ٸشكٸ تەرگەۋ جٷرٸپ جاتىر. تەكسەرٸس اياقتالعاننان كەيٸن جۇمىسشى تاراپىنان زاڭبۇزۋشىلىق انىقتالسا, وندا بەلگٸلەنگەن ەڭبەك كودەكسٸ نەگٸزٸندە شارا قولدانامىز. جۇمىستان شىعارۋعا دەيٸنگٸ شارا قابىلدانۋى مٷمكٸن", - دەدٸ اقتاۋ قالاسى نازارباەۆ زيياتكەرلٸك مەكتەبٸنٸڭ ديرەكتورى رينات جۇماباەۆ.
وقۋ-اعارتۋ مينيسترلٸگٸ مەلٸمەتٸنشە, نازارباەۆ زيياتكەرلٸك مەكتەبٸ - دەربەس بٸلٸم بەرۋ ۇيىمى. سوندىقتان بٸلٸم بەرۋ پروتسەسٸن ۇيىمداستىرۋ جەنە ٸشكٸ باقىلاۋ جۇمىسىن ٶز بەتٸنشە جٷزەگە اسىرادى.
