Aqtaýda Nazarbaev ziiatkerlik mektebiniń qyzmetkeri jumysqa mas kúide kelgen. Mýzyka pániniń kórkemdik jetekshisiniń ádepsiz qylyǵyn oqýshylar videoǵa túsirip alǵan, dep habarlaidy dalanews.kz "KTK" telearnasyna siltep.
Telearna málimetinshe, bilim alýshylar onyń buǵan deiin de birneshe ret ishimdikke sylqiia toiyp alyp mektepke kelip júrgenin aitqan. Al qyzmetker bul ersi qylyǵy úshin keshirim surap, ishimdik iship kelgenin ashyq moiyndaǵan. Ol jumysqa mas kúiinde kelip, balalardyń kózinshe balaǵat sózder aitqan.
Mektep ákimshiligi qyzmetkerge ishki tártipke sai tergep-tekserý júrgizilip jatqanyn málimdedi.
"Áleýmettik jelide tarap ketken aqparat boiynsha mektepte ishki tergeý júrip jatyr. Tekseris aiaqtalǵannan keiin jumysshy tarapynan zańbuzýshylyq anyqtalsa, onda belgilengen Eńbek kodeksi negizinde shara qoldanamyz. Jumystan shyǵarýǵa deiingi shara qabyldanýy múmkin", - dedi Aqtaý qalasy Nazarbaev ziiatkerlik mektebiniń direktory Rinat Jumabaev.
Oqý-aǵartý ministrligi málimetinshe, Nazarbaev ziiatkerlik mektebi - derbes bilim berý uiymy. Sondyqtan bilim berý protsesin uiymdastyrý jáne ishki baqylaý jumysyn óz betinshe júzege asyrady.
