اقتاۋ قالاسى اكىمىنىڭ ورىنباسارى بولىپ تاعايىندالعان اسەت شوپانوۆ ءبىر كۇننەن كەيىن جۇمىستان شىعىپ كەتكەن، دەپ حابارلايدى Dalanews.kz Lada.kz-كە سىلتەمە جاساپ.
قالالىق اكىمدىكتىڭ مالىمەتىنشە، شوپانوۆ ءوز ەركىمەن جۇمىستان كەتكەن.
اسەت شوپانوۆ 3 ناۋرىزدا اكىمنىڭ ورىنباسارى بولىپ تاعايىندالىپ، 4 ناۋرىزدا ءوز ەركىمەن جۇمىستان كەتتى، دەلىنگەن حابارلامادا.
ەسكە سالايىق،2023 جىلدىڭ شىلدە ايىندا شوپانوۆ ماس كۇيىندە كولىك جۇرگىزگەنى ءۇشىن ۇستالىپ، 15 تاۋلىككە قامالعان. سونىمەن قاتار سوت ونى جەتى جىل مەرزىمگە جۇرگىزۋشى كۋالىگىنەن ايىرعان. الايدا سول كەزدە وبلىستىق باسقارما باسشىسى قىزمەتىندە بولعان شەنەۋنىك تەك قاتاڭ سوگىسپەن شەكتەلگەن.
