اقتاۋدا پوليسيا قىزمەتكەرلەرى ون بالاسى بار انانى 17 جاسار قىزى ساتۋشى بولىپ جۇمىس ىستەيتىنىنە بايلانىستى ايىپپۇل سالماق بولدى دەپ حابارلايدى Dalanews.kz. جوعارعى سوتقا سىلتەمە جاساپ.
ينسپەكتور تاربيە مىندەتتەرىن ورىنداماۋ تۋرالى اكىمشىلىك حاتتاما جاسادى. ايەل كەلىسپەي، سوتقا جۇگىندى، ناتيجەسىندە سوت ونىڭ جاعىنا شىقتى.
«ينسپەكتور ارىز بەرۋشىنىڭ كامەلەتكە تولماعان قىزىن ەڭبەك كەلىسىمشارتى جوقتىعىنا بايلانىستى اكىمشىلىك قۇقىق بۇزۋشىلىق تۋرالى حاتتاماعا قول قويعىزۋعا ماجبۇرلەگەن. جەكە كاسىپكەر مەن ارىز بەرۋشىنىڭ قىزى اراسىندا ءىس جۇزىندە كونسۋلتانت رەتىندە جۇمىسقا قابىلداۋ تۋرالى كەلىسىمشارت جاسالعان، ول سوتقا ۇسىنىلدى»، – دەپ انىقتادى وبلىستىق كامەلەتكە تولماعاندار ءىسى جونىندەگى سوت.
سونداي- اق سوتتا ەڭبەك كودەكسى 16 جاسقا تولعان ازاماتتارمەن ەڭبەك شارتتارىن جاساۋعا رۇقسات بەرەتىنى، الايدا كامەلەتكە تولماعاندار كۇنىنە تەك ەكى ساعات قانا جۇمىس ىستەي الاتىنى ءتۇسىندىرىلدى.
