اقسۋ قالاسى قۇرىلىس ءبولىمىنىڭ بۇرىنعى باسشىسى 2 جىلعا باس بوستاندىعىنان ايىرىلدى. بۇل تۋرالى پاۆلودار وبلىسىنىڭ پروكۋراتۋراسى مالىمدەدى، دەپ حابارلايدى Dalanews.kz.
سوت ۇكىمىنە سايكەس، ەكس-باسشى الەۋمەتتىك وسال ساناتتاعى قازاقستاندىقتار ءۇشىن اياقتالماعان پاتەرلەردى ساتىپ العانى ءۇشىن كىنالى دەپ تانىلدى.
سونىمەن قاتار، ونىڭ الدىنداعى ءبولىم باسشىسىنا جانە مەردىگەر ۇيىم وكىلىنە قاتىستى تەرگەۋ ءجۇرىپ جاتىر. ولار كوپقاباتتى تۇرعىن ءۇي قۇرىلىسى كەزىندە ورىندالماعان جۇمىس كولەمى ءۇشىن 451 ملن تەڭگە تولەنۋىنە بايلانىستى كۇدىككە ىلىنگەن.
قازىرگى تاڭدا كۇدىكتىلەر قاماۋدا وتىر. ءىستى وبلىستىق پروكۋراتۋرانىڭ سوتقا دەيىنگى تەرگەپ-تەكسەرۋ باسقارماسى جۇرگىزىپ جاتىر.
