اقش-تىڭ جاڭادان سايلانعان پرەزيدەنتٸ دونالد ترامپ مەملەكەتتٸك حاتشى قىزمەتٸنە ۇسىنعان كانديدات يسلامدى «ۇلى سەنٸم» دەپ اتاپ, بەلگٸلٸ بٸر دٸن جەنە توپتارعا قاتىستى جاپپاي تىيىم سالۋدى قولدامايتىنىن مەلٸمدەدٸ.
ExxonMobil كومپانيياسىنىڭ بۇرىنعى باسشىسى رەكس تيللەرسون بۇل مەلٸمدەمەسٸن 11 قاڭتاردا سەناتتىڭ سىرتقى ٸستەر كوميتەتٸندەگٸ تىڭداۋ كەزٸندە ايتتى. سايلاۋ كامپانيياسى كەزٸندە ترامپ تەراكتٸنٸ الدىن الۋ ٷشٸن مۇسىلمانداردى اقش-قا كٸرگٸزۋگە تىيىم سالۋدى ۇسىنعان.
دەموكراتييالىق جەنە رەسپۋبليكالىق پارتييا ٶكٸلدەرٸنٸڭ دەنٸ بۇل باستامانى سىناعان.
تيللەرسون سەنات مٷشەلەرٸنە ExxonMobil كومپانيياسىن باسقارىپ تۇرعان كەزدە تاياۋ شىعىستاعى جەنە ازييانىڭ وڭتٷستٸك-شىعىس بٶلٸكتەرٸندەگٸ مۇسىلمان ەلدەرٸن ارالاعانىن بايانداپ, ول “بۇل ۇلى سەنٸمدٸ باعالاپ, مويىنداي باستاعانىن” ايتتى.
ول سونىمەن بٸرگە ەكسترەميستەرگە قاتىستى اقش ٷلكەن قاۋٸپ-قاتەرگە تاپ بولىپ وتىرعانىن, بٸز بۇل مەسەلەنٸ “جىلى جاۋىپ قويا المايمىز” دەدٸ. “بٸزگە قاۋٸپ-قاتەردٸ تولىعىمەن تٷسٸنٸپ, ولاردىڭ كٶزٸن جويۋ ٷشٸن ارنايى باعدارلاما ەزٸرلەپ, الدىن الۋ كەرەك”, - دەدٸ ول.
