اقش-تىڭ كاليفورنيا شتاتىندا العاشقى قازاق بالاباقشاسى اشىلدى، - دەپ حابارلايدى Dalanews.kz Timesca.com-عا سىلتەپ.
ءبىلىم بەرۋ ورتالىعىنىڭ نەگىزگى ماقساتى - شەتەلدە ۇلتتىق مادەنيەتتى ساقتاۋ بويىنشا جۇمىستى جاڭعىرتۋ.
قازاق بالاباقشاسىن اشقان جاننا اتابەكوۆانىڭ سوزىنشە، جاڭا مەكتەپتىڭ ارقاسىندا كرەمنيي القابىندا جۇمىس ىستەيتىن قازاقستاندىقتار بالالارىنا قازاقشا قۇندىلىقتاردى دارىپتەپ، تاربيەلەي الادى.
"ءبىزدىڭ بالالارىمىز دا اتا-اجەنىڭ تاربيەسىمەن وسكەنىن قالايمىز. بۇل بالاباقشا ءتىلىمىزدى ساقتاۋدا ماڭىزدى"، - دەيدى اتا-انالار.
ايتا كەتەيىك، بۇعان دەيىن پرەزيدەنت قاسىم-جومارت توقايەۆ قازاق ءتىلى ۋاقىت وتە كەلە ەتنوسارالىق قاتىناس تىلىنە اينالاتىنىن ايتقان ەدى.
"ءتىل – كوپتەگەن مەملەكەت ءۇشىن وزەكتى ماسەلەنىڭ ءبىرى. وسى ماسەلەنىڭ دۇرىس شەشىلۋى كەز كەلگەن ەلدەگى قوعامدىق-ساياسي احۋالدىڭ تۇراقتىلىعىنا ەداۋىر ىقپال ەتەتىنىن تاريحتىڭ ءوزى كورسەتىپ وتىر. قازاقستاندا دا سولاي. ءبىز وسى اسا شەتىن ماسەلەگە كەلگەندە سىرتقى-ىشكى فاكتورلاردى ەسكەرە وتىرىپ، ستراتەگيالىق ۇستامدىلىق جانە تولەرانتتىق تانىتۋىمىز قاجەت. ءبىراق بۇل ءبىزدىڭ مەملەكەتتىك ءتىلدى جان-جاقتى دامىتۋعا باسا نازار اۋداراتىنىمىزدى جوققا شىعارمايدى. مەن قازاق ءتىلى ۋاقىت وتە كەلە ەتنوسارالىق قارىم-قاتىناس تىلىنە اينالاتىنىنا سەنىمدىمىن.
ءبىز بىرتىندەپ وسىعان كەلە جاتىرمىز. مەملەكەت ولاردىڭ ءتۇرلى جەتىستىكتەرىنە، سونىڭ ىشىندە ساياسي سيپاتتاعى تابىستارىنا دا نازار اۋدارادى جانە ولاردى بارىنشا قولدايدى. بۇگىن وسىنداي ءبىرقاتار ازاماتقا ماراپات تاپسىرىلادى"، – دەگەن ەدى پرەزيدەنت.
