AQSh-tyń Kaliforniia shtatynda alǵashqy qazaq balabaqshasy ashyldy, - dep habarlaidy Dalanews.kz Timesca.com-ǵa siltep.
Bilim berý ortalyǵynyń negizgi maqsaty - shetelde ulttyq mádenietti saqtaý boiynsha jumysty jańǵyrtý.
Qazaq balabaqshasyn ashqan Janna Atabekovanyń sózinshe, jańa mekteptiń arqasynda Kremnii alqabynda jumys isteitin qazaqstandyqtar balalaryna qazaqsha qundylyqtardy dáriptep, tárbielei alady.
"Bizdiń balalarymyz da ata-ájeniń tárbiesimen óskenin qalaimyz. Bul balabaqsha tilimizdi saqtaýda mańyzdy", - deidi ata-analar.
Aita keteiik, buǵan deiin prezident Qasym-Jomart Toqaev qazaq tili ýaqyt óte kele etnosaralyq qatynas tiline ainalatynyn aitqan edi.
"Til – kóptegen memleket úshin ózekti máseleniń biri. Osy máseleniń durys sheshilýi kez kelgen eldegi qoǵamdyq-saiasi ahýaldyń turaqtylyǵyna edáýir yqpal etetinin tarihtyń ózi kórsetip otyr. Qazaqstanda da solai. Biz osy asa shetin máselege kelgende syrtqy-ishki faktorlardy eskere otyryp, strategiialyq ustamdylyq jáne toleranttyq tanytýymyz qajet. Biraq bul bizdiń memlekettik tildi jan-jaqty damytýǵa basa nazar aýdaratynymyzdy joqqa shyǵarmaidy. Men qazaq tili ýaqyt óte kele etnosaralyq qarym-qatynas tiline ainalatynyna senimdimin.
Biz birtindep osyǵan kele jatyrmyz. Memleket olardyń túrli jetistikterine, sonyń ishinde saiasi sipattaǵy tabystaryna da nazar aýdarady jáne olardy barynsha qoldaidy. Búgin osyndai birqatar azamatqa marapat tapsyrylady", – degen edi prezident.
