18 اقپاندا ساۋد ارابياسىندا اقش پەن رەسەي دەلەگاسيالارى اراسىندا ۋكرايناداعى جاعدايدى رەتتەۋ بويىنشا كەلىسسوزدەر باستالدى، دەپ حابارلايدى Dalanews.kz.
بۇل — سوڭعى بىرنەشە جىلداعى ماسكەۋ مەن ۆاشينگتون اراسىنداعى العاشقى اۋقىمدى كەزدەسۋ.
رەسەيلىك تىكەلەي ينۆەستيسيالار قورىنىڭ (رفپي) باس ديرەكتورى كيريلل دميترييەۆ كەلىسسوزدەرگە قاتىسىپ، ەكونوميكالىق ماسەلەلەر بويىنشا جاۋاپتى بولاتىنىن مالىمدەدى.
كەزدەسۋدە ساۋد ارابياسىن سىرتقى ىستەر ءمينيسترى فەيسال بەن فارحان ال ساۋد پەن ۇلتتىق قاۋىپسىزدىك جونىندەگى كەڭەسشى مۋسايد بەن مۇحاممەد ال-ايبان وكىلدىك ەتۋدە، دەپ جازادى ربك.
كيريلل دميترييەۆتىڭ ايتۋىنشا، رەسەيلىك دەلەگاسيا امەريكالىق تاراپقا ساۋدا-ەكونوميكالىق ىنتىماقتاستىقتى دامىتۋ بويىنشا بىرنەشە ۇسىنىس جاساعان. ول ناقتى قانداي ۇسىنىستار تۋرالى ءسوز بولعانىن اشىپ ايتپادى، ءبىراق رەسەي مەن اقش-تىڭ اركتيكادا بىرلەسكەن جوبالار جۇرگىزۋگە مۇمكىندىگى بارىن اتاپ ءوتتى.
بۇل كەلىسسوزدەر ۋكرايناداعى سوعىس جاعدايىنىڭ ۋشىعۋىنا جانە حالىقارالىق قاۋىمداستىقتىڭ قاقتىعىستى توقتاتۋعا باعىتتالعان قىسىمىنىڭ كۇشەيۋىنە تۇسپا-تۇس كەلىپ وتىر.
ايتا كەتەرلىگى، بۇعان دەيىن ۋكراينا پرەزيدەنتى ۆلاديمير زەلەنسكيي اقش قورعانىس ءمينيسترى پيت حەگسەت پەن دونالد ترامپ اكىمشىلىگىنىڭ باسقا دا وكىلدەرىنىڭ ۋكرايناداعى سوعىس جاعدايى تۋرالى مالىمدەمەلەرىن سىنعا العان بولاتىن.
