اقىننىڭ كەشى انشلاگپەن ءوتتى

Dalanews 26 اقپ. 2019 10:29 477

قازاق - امەريكا ۋنيۆەرسيتەتى كورنەكتى اقىن مارالتاي رايىمبەك ۇلىنىڭ  50 جاسقا تولۋ مەرەيتويىنىڭ بەتاشار شاراسى - "ماڭگىلىك ەل – شەجىرەسى دالامنىڭ" اتتى ادەبي-مۋزىكالىق كەش وتكىزدى.

قازاق - امەريكا ۋنيۆەرسيتەتى جاس ۇرپاققا ءبىلىم بەرۋمەن قاتار، ەسىمى ەلىمىزگە بەلگىلى تالانتتاردى قولداپ كەلەدى. بيىلعى جاستار جىلى اياسىندا دا ءبىرقاتار شارالار اتقارىلماق. سونىڭ باستىسى رەتىندە، قازاق - امەريكا ۋنيۆەرسيتەتى قازاقستان رەسپۋبليكاسى پرەزيدەنتى سىيلىعىنىڭ، حالىقارالىق «الاش» ادەبي سىيلىعىنىڭ، مەملەكەتتىك «دارىن» جاستار سىيلىعىنىڭ، قازاقستان رەسپۋبليكاسىنىڭ ەڭبەك سىڭىرگەن قايراتكەرى، كورنەكتى اقىن مارالتاي رايىمبەك ۇلىنىڭ 50 جىلدىق مەرەيتويىنا وراي، الماتى قالاسىنداعى رەسپۋبليكا سارايىندا "ماڭگىلىك ەل - شەجىرەسى دالامنىڭ" اتتى ادەبي-مۋزىكالىق كەش وتكىزدى.

كەشتە كورنەكتى اقىن مارالتاي رايىمبەك ۇلى جىردان شاشۋ شاشىپ، ال اقىننىڭ ولەڭدەرىن جاستار مانەرلەپ وقىدى. بەلگىلى ونەر شەبەرلەرى مەن ەسترادا جۇلدىزدارى مارالتاي اقىننىڭ ولەڭىنە ورىلگەن اندەردى ورىندادى. شارانىڭ ۇيىمداستىرۋشىسى – قازاق-امەريكا ۋنيۆەرسيتەتىنىڭ باسشىلىعى دا ءوز كەزەگىندە قاراپ قالماي، مارالتاي اقىننىڭ جىرلارىن جاتقا وقىدى.

وسىلايشا، قازاق - امەريكا ۋنيۆەرسيتەتى مارالتاي رايىمبەك ۇلىنىڭ بيىلعى 50 جاسقا تولۋ مەرەيتويىنىڭ بەتاشار شاراسىن الماتى قالاسىنداعى رەسپۋبليكا سارايىندا "ماڭگىلىك ەل - شەجىرەسى دالامنىڭ" اتتى ادەبي-مۋزىكالىق كەشپەن باستادى. جاۋhار پوەزيادان سۋسىنداعىسى كەلەتىن جىر سۇيەر قاۋىم شولىركەپ قالىپتى. رەسپۋبليكا سارايىنا لىق تولعان كورەرمەن مارالتاي اقىنعا قوشەمەت كورسەتتى.



 

ۇسىنىلعان
سوڭعى جاڭالىقتار