Qazaq - Amerika ýniversiteti jas urpaqqa bilim berýmen qatar, esimi elimizge belgili talanttardy qoldap keledi. Biylǵy jastar jyly aiasynda da birqatar sharalar atqarylmaq. Sonyń bastysy retinde, Qazaq - Amerika ýniversiteti Qazaqstan Respýblikasy Prezidenti syilyǵynyń, Halyqaralyq «Alash» ádebi syilyǵynyń, Memlekettik «Daryn» jastar syilyǵynyń, Qazaqstan Respýblikasynyń eńbek sińirgen qairatkeri, kórnekti aqyn Maraltai Raiymbekulynyń 50 jyldyq mereitoiyna orai, Almaty qalasyndaǵy Respýblika saraiynda "Máńgilik el - shejiresi dalamnyń" atty ádebi-mýzykalyq kesh ótkizdi.
Keshte kórnekti aqyn Maraltai Raiymbekuly jyrdan shashý shashyp, al aqynnyń óleńderin jastar mánerlep oqydy. Belgili óner sheberleri men estrada juldyzdary Maraltai aqynnyń óleńine órilgen ánderdi oryndady. Sharanyń uiymdastyrýshysy – Qazaq-Amerika ýniversitetiniń basshylyǵy da óz kezeginde qarap qalmai, Maraltai aqynnyń jyrlaryn jatqa oqydy.
Osylaisha, Qazaq - Amerika ýniversiteti Maraltai Raiymbekulynyń biylǵy 50 jasqa tolý mereitoiynyń betashar sharasyn Almaty qalasyndaǵy Respýblika saraiynda "Máńgilik el - shejiresi dalamnyń" atty ádebi-mýzykalyq keshpen bastady. Jaýhar poeziiadan sýsyndaǵysy keletin jyr súier qaýym shólirkep qalypty. Respýblika saraiyna lyq tolǵan kórermen Maraltai aqynǵa qoshemet kórsetti.
