تٷركٸستان وبلىسىنىڭ كەلەس اۋداندىق سوتى 24 جاستاعى اقىل-ەسٸ كەم جٸگٸتتٸ زورلادى دەپ ايىپتالعان ٷش اعايىندىعا ٷكٸم شىعاردى. ولاردىڭ ەرقايسىسى 9 جىلعا باس بوستاندىعىنان ايىرىلدى, دەپ حابارلايدى Dalanews.kz.
وقيعانىڭ مەن-جايى
بۇل سۇمدىق جاعداي تۋرالى العاش رەت 2025 جىلدىڭ ناۋرىزىندا “نەمولچي.kz” قورى جارييالاعان بولاتىن. ۇيىمنىڭ دەرەگٸنشە, دامۋى 4 جاستاعى بالا دەڭگەيٸندە دەپ باعالانعان جٸگٸت بٸرنەشە جىل بويى ٶز تۋىستارى مەن كٶرشٸلەرٸنٸڭ زورلىعىنا ۇشىراپ كەلگەن.
جەبٸرلەنۋشٸنٸڭ اناسى قىلمىسقا التى ادامنىڭ قاتىسى بار ەكەنٸن, ولاردىڭ اراسىندا كەمەلەتكە تولماعاندار دا بارىن مەلٸمدەگەن. الايدا سوت الدىندا تەك ٷش ەرەسەك تۋىسى عانا جاۋاپقا تارتىلدى.
سوت پروتسەسٸ مەن ٷكٸم
ٸس جابىق رەجيمدە قارالدى. تەرگەۋ ماتەريالدارىنا سەيكەس, ەكٸ اعايىندى بٸرنەشە رەت توپ بولىپ زورلاۋ (قر قك 121-بابى 2-بٶلٸگٸ 1 جەنە 4-تارماقتارى) بويىنشا ايىپتالعان. ٷشٸنشٸسٸ – توپتىق زورلاۋ جەنە ۇرلىق (قر قك 121-بابى 2-بٶلٸگٸ 1-تارماعى; 188-بابى) باپتارىمەن سوتتالدى.
جەبٸرلەنۋشٸنٸڭ ادۆوكاتى گٷلايحان تۋرسۋمانوۆا Tengrinews.kz تٸلشٸسٸنە بەرگەن سۇحباتىندا سوت بارلىعىنا توعىز جىلدان جازا تاعايىنداعانىن ايتتى.
«ەڭ باستىسى – ولاردىڭ كٸنەسٸ دەلەلدەنٸپ, ايىپتى دەپ تانىلدى. بۇل جەبٸرلەنۋشٸنٸڭ اناسى ٷشٸن ەڭ ماڭىزدىسى ەدٸ. بۇعان دەيٸن پروكۋرور سۇراعان توعىز جىل بٸزگە تىم جەڭٸل جازا بولىپ كٶرٸنگەن. ٷكٸمگە شاعىم تٷسٸرٸپ, جازانى كٷشەيتۋ مەسەلەسٸ اناسىنىڭ شەشٸمٸنە بايلانىستى بولادى», – دەدٸ ادۆوكات.
سونداي-اق ول سوتتالعاندار جەبٸرلەنۋشٸگە 5 ميلليون تەڭگە ٶتەماقىنى بٸرٸگٸپ تٶلەۋگە مٸندەتتەلگەنٸن مەلٸمدەدٸ.
جاڭا ٶتٸنٸش بەرٸلمەك
جەبٸرلەنۋشٸنٸڭ اناسى زورلىققا تاعى ٷش جەرگٸلٸكتٸ تۇرعىننىڭ قاتىسى بولۋى مٷمكٸن ەكەنٸن ايتقان. ادۆوكات تۋرسۋمانوۆانىڭ سٶزٸنشە, ٷكٸم زاڭدى كٷشٸنە ەنگەننەن كەيٸن ولار بۇل ادامدارعا قاتىستى قايتادان ارىز تٷسٸرمەك. بۇعان دەيٸن وسى ٷش ادام بويىنشا قوزعالعان ٸس توقتاتىلعان ەدٸ.
