يا، راس تۇلكىباس اۋدانى الما باۋ وسىرۋگە وتە ىڭعايلى اۋدان. اۋدان اۋماعىندا قازىرگى تاڭدا 76 اۋىلشارۋاشىلىعى تاۋارىن ءوندىرۋشى اگروقۇرىلىمدار الما باۋىن وسىرۋمەن اينالىسادى. جوعارىدا ايتىلعان شارۋا قوجالىقتاردىڭ باسىم بولىگى حالىق اراسىندا كوپ سۇرانىسقا يە گالا، فۋدجي، گوللدەن دەليشەس، ستار كريمسون، لەگالينا، ايدارەت سىندى الما سۇرىپتارىن وسىرەدى. سونداي اگروقۇرىلىمنىڭ ءبىرى – «كوكتال» شارۋا قوجالىعى. بۇگىندە بۇل قوجالىقتىڭ يەلىگىندە 350 گەكتار باۋلى جەر بار. ونىڭ 330 گەكتارىنا الما، 19 گەكتارىنا قارا ورىك وتىرعىزىلعان.
«ءبىزدىڭ قوجالىق يەلىگىندەگى جەرلەر شاقپاق جانە اقبيىك اۋىل وكرۋگتەرىندە ورنالاسقان. ونىڭ سەبەبى – تاۋلى اۋماق ياعني الما وسىرۋگە وتە ىڭعايلى سانالادى. بيىلعى ءونىم جيناۋ ناۋقانىن باستاپ جىبەردىك. المالارىمىزدى باۋ باسىنان ساتىپ الىپ كەتىپ جاتقاندار كوپ. ەڭ ساپالى دەگەن المالارىمىزدى ساقتاي تىن 2 مىڭ توننا قويمامىز دا بار. بۇل بىزگە مول ءونىمدى ىسىراپسىز، شىعىنسىز جيناپ الىپ، قولايلى سۇرانىسى مول كەزەڭدەردە الما ساتۋىمىزعا مۇمكىندىك بەرەدى» ، - دەيدى قوجالىق ءتوراعاسى بەيبىت تولەشيەۆ.
بۇگىنگى كۇندە تۇلكىباس اۋداننىڭدا 3077 گەكتار الما باۋ القابى جايقالىپ تۇر. ونىڭ ىشىندە 2218 گەكتار 2007 جىلدان بەرى وتىرعىزىلعان جاس باۋ سانالادى. سونىمەن قاتار، اۋداندا از جەردەن مول ءونىمدى الۋعا (1 گا جەردە 2000 دانا كوشەتتەن اسا بۋدانداستىرىلعان الما اعاشتارى) ماقساتتالعان قارقىندى باۋ شارۋاشىلىعى دا قاتار دامۋدا. قازىرگى تاڭدا اۋدان اۋماعىندا قارقىندى الما باۋ كولەمى 300 گەكتاردان اسىپ جىعىلادى ەكەن.
ايتا كەتەرلىگى اۋدان اۋماعىندا قىس مەزگىلىندە المانى ساقتايتىن سيىمدىلىعى 12500 توننانى قۇرايتىڭ 7 جەمىس-جيدەك ساقتايتىڭ قويما جۇمىس ىستەيدى. بۇل دەگەنىمىز اۋداننىڭ برەندى سانالاتىن الما ءونىمىن ۇزاق ۋاقىت ساقتاپ، قىس، كوكتەم مەزگىلدەرىندە وسى ونىمگە دەگەن سۇرانىستى ازايتاۋعا ىقپال ەتەدى.
ستاتيستيكالىق مالىمەتتەرگە سۇيەنسەك، اۋداندا 1991-2016 جىلدار ارالىعىندا بارلىعى 1619،5 گەكتار جەرگە الما باۋ مەن جۇزىمدىكتەر ەگىلىپ، 13،5 گەكتار جەرگە جىلىجاي سالىنعان. سونداي-اق، 4474 گەكتار جەرگە تامشىلاتىپ سۋعارۋ ءادىسى ەنگىزىلىپتى. مۇنىڭ كوبىسى سوڭعى جىلدارى ەنگىزىلگەن ق ر ۇدەمەلى يندۋستريالدى-يننوۆاسيالىق «اگروبيزنەس – 2020» باعدارلاماسى اياسىندا ىسكە اسىپتى. ياعني، بۇل «اگروبيزنەس-2020» باعدارلاماسىنىڭ شاراپاتىن تۇلكىباس اۋدانى مولىنان كورىپ وتىر دەگەن ءسوز. وسىعان وراي اۋدانداعى ءونىم كولەمى كۇرت ارتقان. اسىرەسە تۇلكىباستىڭ الماسىن الداعى ۋاقىتتا كوبىرەك ەگىپ، مول ءونىم الۋ باعىتىندا جۇمىستار اتقارىلۋدا.
