"Bek Air" ۇشاعى اپاتقا ۇشىراعان قىلمىستىق ٸس بويىنشا تەرگەۋ اياقتالدى, - دەپ حابارلايدى Dalanews.kz.
كٶلٸكتەگٸ پوليتسييا دەپارتامەنتٸ مەلٸمەتٸنشە, الماتى ەۋەجايىندا 2019 جىلى 27 جەلتوقساندا "Fokker-100" "Bek Ai" ۇشاعى اپاتقا ۇشىراعان قىلمىستىق ٸس بويىنشا تەرگەۋ ەرەكەتتەرٸ اياقتالعان.
4 مىڭنان اسا تەرگەۋ ەرەكەتتەرٸ (2000 تەكسەرۋ, 1350 جاۋاپ الۋ, 250 الۋ), 150 سوت-مەديتسينالىق ساراپتاما جەنە ارنايى زەرتتەۋلەر جٷرگٸزٸلگەن.
حالىقارالىق ىنتىماقتاستىق شەڭبەرٸندە پروكۋراتۋرا قازاقستان رەسپۋبليكاسى سىرتقى ٸستەر مينيسترلٸگٸنٸڭ كٶمەگٸمەن بەلگييا, گەرمانييا, ليۋكسەمبۋرگ, نيدەرلاندى جەنە ت.ب. شەت مەملەكەتتەردەن حالىقارالىق قۇقىقتىق كٶمەك كٶرسەتۋ تۋرالى ٶتٸنٸشتەرگە ٸس ٷشٸن ماڭىزى بار قاجەت قۇقىقتىق-تەحنيكالىق اقپارات الىنعان.
قازٸرگٸ ۋاقىتتا پروتسەسكە قاتىسۋشىلار سوتقا دەيٸنگٸ تەرگەپ-تەكسەرۋ ماتەريالدارىمەن تانىسىپ جاتىر.
2019 جىلعى 27 جەلتوقساندا Bek Air ەۋە كومپانيياسىنىڭ الماتىدان نۇر-سۇلتان قالاسىنا ۇشىپ شىققان Fokker 100 ۇشاعى اپاتقا ۇشىراعان ەدٸ.
ۇشاقتا 98 ادام (بەسەۋٸ – ەكيپاج مٷشەسٸ) بولعان. اپات سالدارىنان 12 ادام قايتىس بولدى, 69 ادام جاراقات الدى.
قازاقستان بيلٸگٸ 2020 جىلعى قاڭتاردا Bek Air ەۋە كومپانيياسىنىڭ ەكسپلۋاتانت سەرتيفيكاتى مەن ۇشۋعا جارامدىلىعى تۋرالى سەرتيفيكاتتارىنىڭ كٷشٸن توقتاتتى. ەۋە كومپانيياسى ٶكٸلدەرٸ ەۋەجاي ماڭىنا سالىنعان قۇرىلىس بولماعاندا, ادام شىعىنى بولماس ەدٸ دەپ مەلٸمدەدٸ.
2020 جىلى الماتى وبلىسىنىڭ جەمقورلىققا قارسى قىزمەتٸ ۇشاق اپاتىنا بايلانىستى قىلمىستىق ٸسپەن قوسا تالعار اۋدانى ەكٸمدٸگٸ شەنەۋنٸكتەرٸنٸڭ ٷستٸنەن جەر تەلٸمدەرٸن زاڭسىز بەرۋ جەنە ولاردىڭ پايدالانۋ ماقساتىن زاڭسىز ٶزگەرتۋ دەرەكتەرٸ بويىنشا ەكٸنشٸ قىلمىستىق ٸس قوزعادى.
بىلتىر سوت الماتى قالاسى ەۋەجايى ماڭىنداعى جەردٸ پايدالانۋعا زاڭسىز بەرگەن دەگەن ايىپ تاعىلعان بۇرىنعى بەس شەنەۋنٸك پەن ريەلتوردى كٸنەلٸ دەپ تانىپ, ٷكٸم شىعارعان بولاتىن. ٷش ادامنىڭ بوستاندىعى ٷش جىلعا شەكتەلٸپ, قالعاندارى 2,5 جىلدان 4 جىلعا دەيٸنگٸ مەرزٸمگە بوستاندىعىنان ايىرىلعان ەدٸ.
ايتا كەتەيٸك, قازاقستاندا كەيٸنگٸ 10 جىلدا ادامداردىڭ ٶمٸرٸن قيىپ كەتكەن بٸرنەشە ۇشاق اپاتى بولدى.
