"Bek Air" ushaǵy apatqa ushyraǵan qylmystyq is boiynsha tergeý aiaqtaldy, - dep habarlaidy Dalanews.kz.
Kóliktegi Politsiia departamenti málimetinshe, Almaty áýejaiynda 2019 jyly 27 jeltoqsanda "Fokker-100" "Bek Ai" ushaǵy apatqa ushyraǵan qylmystyq is boiynsha tergeý áreketteri aiaqtalǵan.
4 myńnan asa tergeý áreketteri (2000 tekserý, 1350 jaýap alý, 250 alý), 150 sot-meditsinalyq saraptama jáne arnaiy zertteýler júrgizilgen.
Halyqaralyq yntymaqtastyq sheńberinde prokýratýra Qazaqstan Respýblikasy Syrtqy ister ministrliginiń kómegimen Belgiia, Germaniia, Liýksembýrg, Niderlandy jáne t.b. shet memleketterden halyqaralyq quqyqtyq kómek kórsetý týraly ótinishterge is úshin mańyzy bar qajet quqyqtyq-tehnikalyq aqparat alynǵan.
Qazirgi ýaqytta protseske qatysýshylar sotqa deiingi tergep-tekserý materialdarymen tanysyp jatyr.
2019 jylǵy 27 jeltoqsanda Bek Air áýe kompaniiasynyń Almatydan Nur-Sultan qalasyna ushyp shyqqan Fokker 100 ushaǵy apatqa ushyraǵan edi.
Ushaqta 98 adam (beseýi – ekipaj múshesi) bolǵan. Apat saldarynan 12 adam qaitys boldy, 69 adam jaraqat aldy.
Qazaqstan biligi 2020 jylǵy qańtarda Bek Air áýe kompaniiasynyń eksplýatant sertifikaty men ushýǵa jaramdylyǵy týraly sertifikattarynyń kúshin toqtatty. Áýe kompaniiasy ókilderi áýejai mańyna salynǵan qurylys bolmaǵanda, adam shyǵyny bolmas edi dep málimdedi.
2020 jyly Almaty oblysynyń jemqorlyqqa qarsy qyzmeti ushaq apatyna bailanysty qylmystyq ispen qosa Talǵar aýdany ákimdigi sheneýnikteriniń ústinen jer telimderin zańsyz berý jáne olardyń paidalaný maqsatyn zańsyz ózgertý derekteri boiynsha ekinshi qylmystyq is qozǵady.
Byltyr sot Almaty qalasy áýejaiy mańyndaǵy jerdi paidalanýǵa zańsyz bergen degen aiyp taǵylǵan burynǵy bes sheneýnik pen rieltordy kináli dep tanyp, úkim shyǵarǵan bolatyn. Úsh adamnyń bostandyǵy úsh jylǵa shektelip, qalǵandary 2,5 jyldan 4 jylǵa deiingi merzimge bostandyǵynan aiyrylǵan edi.
Aita keteiik, Qazaqstanda keiingi 10 jylda adamdardyń ómirin qiyp ketken birneshe ushaq apaty boldy.
