Flydubai كومپانيياسىنىڭ "بوينگ" ۇشاعى 19 ناۋرىزعا قاراعان تٷنٸ دونداعى روستوۆ قالاسىنىڭ ەۋەجايىنا قونباق بولعاندا اپاتقا ۇشىراعان ەدٸ. بورتتاعى 62 ادامنىڭ بەرٸ قازا تاپتى.
بٷگٸن تەرگەۋ ورىندارىنداعى دەرەككٶزگە سٷيەنگەن «كوممەرسانت» باسىلىمى Flydubai ەۋە كومپانيياسىنا قاراستى ۇشاق ەكيپاجى مٷشەلەرٸنٸڭ اراسىندا اپاتتان بٸرەر مينۋت بۇرىن جانجال تۋعانى تۋرالى حابارلادى.
باسىلىمنىڭ دەرەگٸنشە, «قارا جەشٸكتٸ» اشقان ساراپشىلار ۇشقىشتار ەكٸنشٸ مەرتە قونۋعا ەرەكەت جاساعان كەزدە اۆتوپيلوتتى ٶشٸرگەنٸن انىقتادى. پيلوتتاردىڭ بٸرٸ مانەۆر كەزٸندە قاتەلٸك جاساپ, ونىڭ ەرٸپتەسٸ شتۋرۆالدى ٶزٸنە تارتقاندا ولاردىڭ اراسىندا كەلٸسپەۋشٸلٸك بولعان. باسقارۋشى ۇشقىش شتۋرۆالدى ٶزٸنە تارتقاندا, ەكٸنشٸ ۇشقىش «توقتا! قايدا?! ولاي ٸستەمە!» دەپ ايقايلاپ ٶز شتۋرۆالىن كەرٸ باسقان. نەتيجەسٸندە «بوينگ» كومپيۋتەرٸنە ەكٸ ۇشقىشتان بٸردەي ەرەكەت ەتۋگە بۇيرىق بەرەتٸن ەلەكتر يمۋپلستەرٸ تٷسكەندٸكتەن, ۇشاقتى باسقارۋ تەرتٸبٸ بۇزىلعان. ەكيپاج ۇشاقتىڭ قۇلاپ بارا جاتقانىن كەش بٸلگەندٸكتەن, ۇشاق جەرگە ساعاتىنا 325 شاقىرىم جىلدامدىقپەن قۇلاعان. گازەت پيلوتتاردىڭ «ٷرەي مەن اشىنۋدان» بٸرنەشە سەكۋند ايعايلاعانىن جازادى.
Flydubai ەۋە كومپانيياسىنىڭ ۇشاعى دۋباي مەن دونداعى روستوۆ باعىتىندا ۇشقان. ول 19 ناۋرىزعا قاراعان تٷنٸ قيىن اۋا-رايى جاعدايىندا ەكٸنشٸ مەرتە قونباقشى بولعان كەزٸندە اپاتقا ۇشىرادى.
