جامبىل وبلىسى تۇرار رۇسقۇلوۆ اۋدانى قۇلان اۋىلىندا 6 جاسار بالا كٶز جۇمدى. تۋىستارىنىڭ سٶزٸنشە, بۇعان دەرٸگەرلەردٸڭ سالعىرتتىعى سەبەپ بولعان, دەپ حابارلايدى Dalanews.kz.
جەلٸدە مارقۇمنىڭ تۋىستارىنىڭ ٷندەۋٸ تارادى.
"بالا 29 قىركٷيەكتەن باستاپ اۋىردى, ۋچاسكەلٸك دەرٸگەرگە بارعانىمىزدا ەش كٶمەك كٶرسەتپەي, ٷيگە قايتاردى. بالانىڭ اپاسى دەرٸگەرگە تٸزەرلەپ جالىنىپ, ەرەڭ 7 قازاندا عانا اۋرۋحاناعا جاتقىزدى. بالا اۋرۋحاناعا جاتقانىمەن, دياگنوز قويىلماعان, بالا اۋىرعاندا تەك "كرەون" دەرٸسٸن بەرە بەرگەن. بٷگٸن, 10 قازاندا بالادان ايىرىلىپ قالدىق", - دەيدٸ تۋىستارى.
ت.رىسقۇلوۆ اۋداندىق ورتالىق اۋرۋحاناسى بۇل جاعدايعا قاتىستى مىناداي پٸكٸر بٸلدٸردٸ:
"اۋرۋحاناعا 6 جاسار بالا "جاتقىزۋ پورتالى" ارقىلى جوسپارلى تٷردە اپاسىمەن بٸرگە تٷسكەن. 7 قازاننان بەرٸ كلينيكالىق حاتتاماعا سەيكەس تيٸستٸ زەرتتەۋلەر جاسالىپ, تاعايىندالعان ەمدٸ قابىلداعان. بالانىڭ جاعدايى ورتاشا اۋىر بولعان. 10 قازاندا ساعات 06.55-تە كەنەت قايتىس بولعان. قازٸر بالانىڭ ٶلٸمٸنٸڭ سەبەبٸ انىقتالىپ جاتىر. ٸشكٸ ٸستەر بٶلٸمٸنە حابارلانعان, سوت ساراپتاماسى تاعايىندالعان", - دەدٸ دەرٸگەرلەر.
