مەملەكەت باسشىسىنىڭ سىبايلاس جەمقورلىققا قارسى كٷرەستٸ كٷشەيتۋ جٶنٸندەگٸ تاپسىرماسىنا سەيكەس اگەنتتٸك جەمقورلىققا قارسى وزىق ستاندارتتاردى ەنگٸزۋ بويىنشا جۇمىستى جٷيەلٸ تٷردە جالعاستىرۋدا.
اعىمداعى جىلعى 22-24 مامىر ارالىعىندا اگەنتتٸك تٶراعاسى اسحات جۇماعالي باستاعان سىبايلاس جەمقورلىققا قارسى قىزمەت دەلەگاتسيياسى گونكونگتا ٶتٸپ جاتقان «جەمقورلىققا قارسى كٷرەستٸڭ جاڭا جولىن جوبالاۋ» اتتى 8-شٸ سيمپوزيۋمعا قاتىستى.
ٸس-شارا سىبايلاس جەمقورلىققا قارسى ورگاننىڭ – گونكونگتىڭ سىبايلاس جەمقورلىققا قارسى كٷرەس جٶنٸندەگٸ تەۋەلسٸز كوميسسيياسىنىڭ قۇرىلعانىنا 50 جىل تولۋىنا ارنالعان.
وعان ەلەمنٸڭ 60-تان استام ەلٸنٸڭ حالىقارالىق ۇيىمدارى مەن سىبايلاس جەمقورلىققا قارسى ۆەدومستۆولارىنىڭ ٶكٸلدەرٸ قاتىستى.
سىبايلاس جەمقورلىققا قارسى ٸس-قيمىلداعى زاماناۋي سىن-قاتەرلەر, ٸستەردٸ تەرگەۋ جەنە جەمقورلىق تەۋەكەلدەرٸن انىقتاۋ كەزٸندە جاڭا اقپاراتتىق تەحنولوگييالار مەن جاساندى ينتەللەكتتٸ قولدانۋ, جەمقورلىققا قارسى بٸلٸم بەرۋ جەنە اعارتۋ مەسەلەلەرٸ, جاستاردىڭ جەمقورلىققا قارسى ٸس-ەرەكەتتەرگە تارتىلۋى تالقىلانىپ, جەمقورلىققا قارسى كٷرەستەگٸ وزىق تەجٸريبەلەر تانىستىرىلدى.
كونفەرەنتسييا اياسىندا اگەنتتٸك تٶراعاسى ا. جۇماعالي گونكونگتىڭ سىبايلاس جەمقورلىققا قارسى كٷرەس جٶنٸندەگٸ تەۋەلسٸز كوميسسيياسىنىڭ باسشىسى دەنني ۆۋ مىرزامەن كەزدەستٸ.
ترانسپارەنسي ينتەرنەشنل رەيتينگٸ بويىنشا گونكونگ 180 ەلدٸڭ ٸشٸندە 14-شٸ ورىندا.
تاراپتار ودان ەرٸ ىنتىماقتاستىقتى ٸلگەرٸلەتۋ مەسەلەسٸن تالقىلادى.
ا. جۇماعالي اگەنتتٸكتٸڭ قىزمەتٸ جەنە جەمقورلىققا قارسى ٸس-قيمىل بويىنشا قابىلدانىپ جاتقان شارالاردى تانىستىرىپ, ورگاننىڭ بۇۇ ەقب ٶڭٸرلٸك پلاتفورماسىن قۇرۋ جەنە استانا قالاسىندا كونفەرەنتسييا ٶتكٸزۋ جٶنٸندەگٸ باستامالارى تۋرالى ايتتى.
كەزدەسۋ قورىتىندىسى بويىنشا ٶزارا تٷسٸنٸستٸك تۋرالى مەموراندۋمعا قول قويىلدى.
قۇجات قۇقىقتىق كٶمەك كٶرسەتۋ, اكتيۆتەردٸ قايتارۋ, ادامداردى ٸزدەستٸرۋ, بيۋدجەت قاراجاتىن ماقساتتى پايدالانۋ مەن ساتىپ الۋ مونيتورينگٸ, جاساندى ينتەللەكتتٸ قوسا العاندا, سىبايلاس جەمقورلىققا قارسى كٷرەستە جاڭا تەحنولوگييالاردى ەنگٸزۋ مەسەلەلەرٸندە ەرٸپتەستٸكتٸ نىعايتۋعا باعىتتالعان.
سونداي-اق, كوميسسييانىڭ شاقىرۋى بويىنشا قازاقستان اگەنتتٸگٸ سىبايلاس جەمقورلىققا قارسى كٷرەس جٶنٸندەگٸ ورگانداردىڭ حالىقارالىق قاۋىمداستىعىنا رەسمي تٷردە ەندٸ.
بۇل شەتەلدٸك ەرٸپتەستەرمەن ٶزارا ٸس-قيمىلدى ەدەۋٸر كەڭەيتۋگە مٷمكٸندٸك بەرەدٸ, سونداي-اق وزىق تەجٸريبە مەن بٸلٸم الماسۋعا ىقپال ەتەدٸ.
سونىمەن قاتار ا. جۇماعالي سيمپوزيۋم اياسىندا ۆەناداعى بۇۇ بٶلٸمشەسٸنٸڭ باس ديرەكتورى گادا ۆاليمەن, بۇۇ ەقب بٶلٸمشەسٸنٸڭ باسشىسى بريگيتتا شتروبەل-شو حانىممەن, سونداي-اق مالايزييا, ساۋد ارابيياسى, سينگاپۋر, وڭتٷستٸك كورەيانىڭ جەمقورلىققا قارسى ۆەدومستۆولارىنىڭ باسشىلارىمەن كەزدەسۋلەر ٶتكٸزٸپ, الداعى ىنتىماقتاستىق پەرسپەكتيۆالارىن تالقىلادى.
اگەنتتٸك شەتەلدٸك ەرٸپتەستەرمەن ٶزارا ٸس-قيمىلدى نىعايتۋ جٶنٸندەگٸ جۇمىستى ودان ەرٸ جالعاستىراتىن بولادى.
انتيكور جەمقورلىققا قارسى كٷرەس جٶنٸندەگٸ حالىقارالىق قاۋىمداستىققا قوسىلدى
