Memleket basshysynyń sybailas jemqorlyqqa qarsy kúresti kúsheitý jónindegi tapsyrmasyna sáikes Agenttik jemqorlyqqa qarsy ozyq standarttardy engizý boiynsha jumysty júieli túrde jalǵastyrýda.
Aǵymdaǵy jylǵy 22-24 mamyr aralyǵynda Agenttik Tóraǵasy Ashat Jumaǵali bastaǵan Sybailas jemqorlyqqa qarsy qyzmet delegatsiiasy Gonkongta ótip jatqan «Jemqorlyqqa qarsy kúrestiń jańa jolyn jobalaý» atty 8-shi simpoziýmǵa qatysty.
Is-shara Sybailas jemqorlyqqa qarsy organnyń – Gonkongtyń Sybailas jemqorlyqqa qarsy kúres jónindegi Táýelsiz komissiiasynyń qurylǵanyna 50 jyl tolýyna arnalǵan.
Oǵan álemniń 60-tan astam eliniń halyqaralyq uiymdary men sybailas jemqorlyqqa qarsy vedomstvolarynyń ókilderi qatysty.
Sybailas jemqorlyqqa qarsy is-qimyldaǵy zamanaýi syn-qaterler, isterdi tergeý jáne jemqorlyq táýekelderin anyqtaý kezinde jańa aqparattyq tehnologiialar men jasandy intellektti qoldaný, jemqorlyqqa qarsy bilim berý jáne aǵartý máseleleri, jastardyń jemqorlyqqa qarsy is-áreketterge tartylýy talqylanyp, jemqorlyqqa qarsy kúrestegi ozyq tájiribeler tanystyryldy.
Konferentsiia aiasynda Agenttik Tóraǵasy A. Jumaǵali Gonkongtyń Sybailas jemqorlyqqa qarsy kúres jónindegi Táýelsiz Komissiiasynyń basshysy Denni Vý myrzamen kezdesti.
Transparensi Interneshnl reitingi boiynsha Gonkong 180 eldiń ishinde 14-shi orynda.
Taraptar odan ári yntymaqtastyqty ilgeriletý máselesin talqylady.
A. Jumaǵali Agenttiktiń qyzmeti jáne jemqorlyqqa qarsy is-qimyl boiynsha qabyldanyp jatqan sharalardy tanystyryp, organnyń BUU EQB Óńirlik platformasyn qurý jáne Astana qalasynda konferentsiia ótkizý jónindegi bastamalary týraly aitty.
Kezdesý qorytyndysy boiynsha ózara túsinistik týraly Memorandýmǵa qol qoiyldy.
Qujat quqyqtyq kómek kórsetý, aktivterdi qaitarý, adamdardy izdestirý, biýdjet qarajatyn maqsatty paidalaný men satyp alý monitoringi, jasandy intellektti qosa alǵanda, sybailas jemqorlyqqa qarsy kúreste jańa tehnologiialardy engizý máselelerinde áriptestikti nyǵaitýǵa baǵyttalǵan.
Sondai-aq, Komissiianyń shaqyrýy boiynsha Qazaqstan Agenttigi sybailas jemqorlyqqa qarsy kúres jónindegi organdardyń halyqaralyq qaýymdastyǵyna resmi túrde endi.
Bul sheteldik áriptestermen ózara is-qimyldy edáýir keńeitýge múmkindik beredi, sondai-aq ozyq tájiribe men bilim almasýǵa yqpal etedi.
Sonymen qatar A. Jumaǵali simpoziým aiasynda Venadaǵy BUU bólimshesiniń Bas direktory Gada Valimen, BUU EQB bólimshesiniń basshysy Brigitta Shtrobel-Sho hanymmen, sondai-aq Malaiziia, Saýd Arabiiasy, Singapýr, Ońtústik Koreianyń jemqorlyqqa qarsy vedomstvolarynyń basshylarymen kezdesýler ótkizip, aldaǵy yntymaqtastyq perspektivalaryn talqylady.
Agenttik sheteldik áriptestermen ózara is-qimyldy nyǵaitý jónindegi jumysty odan ári jalǵastyratyn bolady.
Antikor jemqorlyqqa qarsy kúres jónindegi halyqaralyq qaýymdastyqqa qosyldy
