قازاقستاندا بٸر جىل ٸشٸندە ەلەۋمەتتٸك سالا بويىنشا 310-نان استام سىبايلاس جەمقورلىققا قاتىستى قىلمىستىق ٸس تٸركەلگەن, دەپ حابارلايدى Dalanews.kz.
سىبايلاس جەمقورلىققا قارسى ٸس-قيمىل اگەنتتٸگٸ پرەۆەنتسييا قىزمەتٸنٸڭ باسشىسى سايان احمەتجانوۆتىڭ ايتۋىنشا, 2023 جىلى ەلەۋمەتتٸك بٶلٸم بيۋدجەتتەن 8.1 ترلن تەڭگە قاراجات العان.
"قوماقتى قاراجاتتىڭ بٶلٸنۋٸ كەزٸندە ارنايى باقىلاۋدىڭ بولماۋى كٶپ جاعدايدا سىبايلاس جەمقورلىقتىڭ تۋىنداۋىنا الىپ كەلەدٸ. ٶتكەن جىلى ەلەۋمەتتٸك سالادا جەمقورلىققا بايلانىستى 311 قىلمىس تٸركەلدٸ. اتاپ ايتاتىن بولسام, بٸلٸم بەرۋ باعىتىندا – 155, دەنساۋلىق ساقتاۋ سالاسىندا – 64, زەينەتاقىمەن قامتاماسىز ەتۋ بويىنشا – 7, ەلەۋمەتتٸك قورعاۋدا – 29, مەديتسينالىق-ەلەۋمەتتٸك ساراپتاما بويىنشا (مٷگەدەكتٸك انىقتاماسى) – 56. نەتيجەسٸندە 95 ادام سوتتالدى. ونىڭ ٸشٸندە بٸلٸم سالاسىنان – 52, دەنساۋلىق ساقتاۋدان – 20, ەلەۋمەتتٸك قورعاۋدان – 9, مەديتسينالىق-ەلەۋمەتتٸك ساراپتامادان – 11 ادام جازاعا تارتىلدى", - دەيدٸ باسقارما باسشىسى.
احمەتجانوۆتىڭ مەلٸمەتٸنشە, 2023 جىلدىڭ قازان ايىندا تالدىقورعان سوتىنىڭ ٷكٸمٸمەن دەنساۋلىق ساقتاۋ مينيسترلٸگٸ مەديتسينالىق جەنە فارماتسەۆتيكالىق باقىلاۋ كوميتەتٸنٸڭ وبلىس دەپارتامەنتٸنٸڭ باسشىسى م.قورداباەۆا بٸرنەشە رەت پارا العانى ٷشٸن كٸنەلٸ دەپ تانىلىپ, وعان 3,8 ميلليون تەڭگە ايىپپۇل سالىنعان.
"اگەنتتٸك بٸلٸم بەرۋ جٷيەسٸندەگٸ سىبايلاس جەمقورلىققا سىرتتاي تالداۋ جاساۋ نەتيجەسٸندە, قارجىلىق ەسەپ جٷيەسٸنٸڭ اقساپ تۇرعانىن العا تارتتى. بۇل سەيكەسٸنشە وسى سالادا ميللياردتاعان بيۋدجەت قاراجاتىنىڭ ۇرلانۋىنا ەكەپ سوققان. وسىلايشا, ٷش جىلدا 454 قىلمىس تٸركەلٸپ, 356 ادام ەشكەرەلەندٸ. ال 165-ٸ سوتتالدى. سەيكەسٸنشە مەملەكەتكە كەلتٸرٸلگەن زالال 12 ميلليارد تەڭگەگە جەتتٸ. ۇرلىق بيۋدجەتتٸك ٶتٸنٸمدەردٸ قالىپتاستىرۋدىڭ اۆتوماتتاندىرىلماۋىنان, تٷرلٸ بۇزۋشىلىقتان الدىن الۋ جٷيەسٸنٸڭ جوق بولۋىنان تۋىنداعان", – دەپ تٷسٸندٸردٸ دەپارتامەنت ٶكٸلٸ.
ونىڭ ايتۋىنشا, تالدىقورعاندا 2,5 جىل بويى قىلمىستىق توپ جۇمىس ٸستەپ كەلگەن. ونىڭ قۇرامىنا بٸلٸم بٶلٸمٸنٸڭ باسشىسى مەن ەكٸ ەسەپشٸسٸ, سونداي-اق مەكتەپتٸڭ 13 ەسەپشٸسٸ كٸرگەن.
"بارلىعىنىڭ ٶز رٶلٸ بولعان. ەسەپشٸلەر بيۋدجەت قاراجاتىن جىمقىرعان. ال قالالىق بٸلٸم بٶلٸمٸنٸڭ باسشىسى ولاردىڭ قىلمىسىن پارا الۋ ارقىلى جاسىرۋعا تىرىسقان. ولاردى قولعا تٷسٸرۋ كەزٸندە بٸلٸم بٶلٸمٸنٸڭ باس ەسەپشٸسٸنەن 1 ميلليارد تەڭگەگە جۋىق اقشا تەركٸلەندٸ. تەرگەۋ بارىسىندا مەملەكەتكە 4,4 ملرد تەڭگە زالال كەلتٸرٸلگەنٸ راستالدى. كٷدٸكتٸلەردەن 2,9 ملرد تەڭگەنٸڭ مٷلكٸ تەركٸلەندٸ", - دەدٸ احمەتجانوۆ.
ول سونداي-اق وسىنداي قىلمىستىق جٷيە رەسپۋبليكا بويىنشا انىقتالعانىن دا اتاپ ٶتتٸ. دەگەنمەن ۇرلىقتىڭ ەڭ قوماقتى مٶلشەرٸ الماتى (322 ميلليون تەڭگە), شىمكەنت (154,5 ميلليون تەڭگە), قىزىلوردا (1 ميلليارد تەڭگە), الماتى (146 ميلليون تەڭگە) جەنە اقتٶبە (389 ميلليون تەڭگە) وبلىستارىندا تٸركەلگەن.
"انىقتالعان زاڭ بۇزۋشىلىقتار بويىنشا 35 قىلمىستىق ٸس تٸركەلدٸ. ولار مەملەكەتكە 7 ملرد تەڭگە زالال كەلتٸرگەن. قازٸرگٸ تاڭدا سوتقا دەيٸنگٸ تەرگەپ-تەكسەرۋ جٷرگٸزٸلۋدە.تالداۋ نەتيجەلەرٸ بويىنشا 14 ۇسىنىس ەنگٸزٸلٸپ, سوتقا دەيٸنگٸ تەرگەۋ امالدارى جٷرگٸزٸلدٸ. ايتىلعان ۇسىنىستاردى ەسكەرە وتىرىپ, ۆەدومستۆو بٸلٸم بەرۋ سالاسىنداعى سىبايلاس جەمقورلىق ەرەكەتتەرٸن جويۋ بويىنشا كەشەندٸ شارالاردى جٷزەگە اسىرۋدا", – دەپ تٷيٸندەدٸ ۆەدومستۆو ٶكٸلٸ.
بۇعان دەيٸن قازاقستاندا سىبايلاس جەمقورلىق قىلمىستارىنان كەلگەن شىعىن 51 ميلليارد تەڭگەدەن اسقانى حابارلانعان بولاتىن. سونىمەن بٸرگە 2023 جىلدىڭ جەلتوقسانىندا بٸر اي بۇرىنعىمەن سالىستىرعاندا كەلتٸرٸلگەن شىعىن كٶلەمٸ 7,6%-عا ٶستٸ.
