تانىمال ەنشٸ قاراقات ەبٸلدينا جەلٸدەگٸ پاراقشاسىندا جاڭا ۆيدەو جارييالادى, دەپ حابارلايدى dalanews.kz.
"بٷگٸن بٸزدٸڭ ٷيگە ابك-نىڭ سەرٸلەرٸ ات باسىن تٸرەدٸ… بۇل ازاماتتاردى تانىعانىما بيىل تۋرا 30 جىل ەكەن. ابك توبىنىڭ قۇرىلعانىنا دا — 30 جىل. سول ۋاقىتتىڭ, سول ورتانىڭ, سول بٸر ەدەمٸ كەزەڭنٸڭ كۋەسٸ بولعانىما ٶتە قۋانىشتىمىن. ابك-نىڭ ەندەرٸمەن ستۋدەنتتٸك شاعىم ٶتتٸ. ولاردى كٶرگەن سايىن كٶز الدىما بال-بۇل جايناعان 18 جاسىم كەلەدٸ… ارمان كٶپ, ۋايىم از, كٶڭٸل الاڭسىز كەز. قانداي شاقتار ەدٸ…
بٷگٸن داستارقان باسىندا وتىرىپ, سول كٷندەردٸ بٸر-بٸرلەپ ەسكە الدىق. بٸرگە جٷرگەن دوستارىمىزدى ايتتىق. بٸر كٷلدٸك, بٸر كٷرسٸندٸك… مەدەۋدٸڭ كەلٸنشەگٸ ايگٷل مارقۇمدى ەسكە الدىق. ايگٷلمەن تۋعان ابىسىندارداي جاقىن ارالاستىق. جانى سونداي جاقسى ادام ەدٸ… ٶكٸنٸشكە قاراي, عۇمىرى قىسقا بولدى. يمانى جولداس, جانى جەنناتتا بولسىن! كٶرمەگەن جاقسىلىعىن ارتىندا قالعان ۇل مەن قىزىنا كٶرۋ بۇيىرسىن!
ال ەرلان مەن انار ەكٸ رەت قۇدا-قۇداعي اتانىپ ٷلگەردٸ. ەڭ قىزىعى – قوس قىزى بٸر ٷيدٸڭ كەلٸندەرٸ, ابىسىندار ەكەن. ٶمٸر دەگەن قانداي قىزىق?!.. كەشە عانا بٸزدٸڭ ٷيلەنۋ تويىمىزدا مەنٸڭ توي كٶيلەگٸمنٸڭ ەتەگٸن ۇستاپ جٷرگەن 4-5 جاستاعى ايكامىز بٸر ەۋلەتتٸڭ ٷلكەن كەلٸنٸ اتانىپ وتىر. قىزدارىمىزدىڭ بارعان جەرٸندە باعى جانىپ, باقىتتارى باياندى بولسىن!
30 جىل… وسى بٸر ساننىڭ ٸشٸندە قانشاما ٶمٸر جاتىر دەسەڭٸزشٸ. جاستىق شاق, دوستىق, ەن, ارمان, قۋانىش, ساعىنىش… بٸرگە جٷرگەن ادامداردىڭ ەرقايسىسى ٶمٸرٸڭنٸڭ بٸر بٶلشەگٸنە اينالىپ كەتەدٸ ەكەن. بٷگٸن ۋاقىت بٸزدٸ بٸر كەشكە باياعى جاستىعىمىزعا قايتا اپارعانداي بولدى.
ادام كەيدە ٶتكەن كٷندەردٸ ەمەس, سول كٷندەردەگٸ ٶزٸن, جانىنداعى ادامدارىن, الاڭسىز كٶڭٸلٸن ساعىنادى ەكەن… بٸز استانادا, سٸزدەر الماتىدا. امان جٷرگەنٸمٸزدە وسىلاي باس قوسىپ, ٶتكەندٸ كٷلٸپ ەسكە الىپ, بٸر-بٸرٸمٸزدٸڭ قادٸرٸمٸزدٸ بٸلٸپ جٷرەيٸكشٸ. ٶمٸردٸڭ ەڭ قىمبات بايلىعى — جىلدار ٶتسە دە جىلۋى جوعالمايتىن ادامدار مەن جٷرەكتە قالعان ەستەلٸكتەر ەكەن…" – دەپ جازدى قاراقات ەبٸلدينا.
