استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى ەنشٸ سيۆي ماحمۋديدٸڭ بۇرىنعى كٷيەۋٸ — اڭسار قاجمۇحانۇلىنا قاتىستى ٷكٸم شىعاردى. ول اسا ٸرٸ مٶلشەردە جاسالعان الاياقتىق بويىنشا ايىپتى دەپ تانىلىپ, 5 جىلعا باس بوستاندىعىنان ايىرىلدى, دەپ حابارلايدى Dalanews.kz.
ٸس مەن-جايى
سوت ماتەريالدارىنا سٷيەنسەك, سوتتالۋشى ك. جەبٸرلەنۋشٸ ا.-نىڭ تۋىسى ٶتكٸزۋ ماقساتىندا اسا ٸرٸ مٶلشەردە پسيحوتروپتىق زاتتاردى زاڭسىز ساقتاۋ فاكتٸسٸ بويىنشا قىلمىستىق جاۋاپكەرشٸلٸككە تارتىلاتىنىن, ونىڭ تەرگەۋ يزولياتورىنا قامالعانىن بٸلٸپ, پوليتسييا قىزمەتكەرلەرٸنٸڭ اراسىندا ٸس جٷزٸندە تانىستارى جوق بولا تۇرا, قالىپتاسقان جاعدايدى پايدالانىپ, ەرەكەتٸن اۋىردان نەعۇرلىم جەڭٸل جازاعا سارالاۋ مەسەلەسٸن شەشۋ ٷشٸن پوليتسييا قىزمەتكەرلەرٸنە بەرەمٸن دەپ جالعان ايتىپ, الاياقتىق جولىمەن ا. جەنە ونىڭ تۋىستارىنىڭ 50 مىڭ اقش دوللارى سوماسىنداعى اقشا قاراجاتىن جىمقىرعان.
“وسىلايشا, ك. جەبٸرلەنۋشٸلەرگە اسا ٸرٸ مٶلشەردە ماتەريالدىق زالال كەلتٸرگەن.
سوتتالۋشىنىڭ كٸنەسٸ كۋەلاردىڭ ايعاقتارىمەن, بەتتەستٸرۋ حاتتاماسىمەن, سوت-پسيحولوگييالىق-فيلولوگييالىق ساراپتامانىڭ قورىتىندىسىمەن دەلەلدەندٸ”, — دەلٸنگەن سوت حابارلاماسىندا.
تاراپتاردىڭ ۇستانىمى
مەملەكەتتٸك ايىپتاۋشى ك.-نى 5 جىلعا باس بوستاندىعىنان ايىرۋدى سۇراسا, قورعاۋشى تاراپ ونىڭ كەمەلەتكە تولماعان بالالارى بارىن جەنە جاساعان ٸسٸنە ٶكٸنەتٸنٸن ەسكەرە وتىرىپ, جازانى جەڭٸلدەتۋدٸ سۇراعان.
سوت شەشٸمٸ
قك-نٸڭ 190-بابى 4-بٶلٸگٸنٸڭ سانكتسيياسى مٷلكٸ تەركٸلەنٸپ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان 10 جىلعا دەيٸنگٸ مەرزٸمگە ايىرا وتىرىپ نەمەسە ونسىز, 5-تەن 10 جىلعا دەيٸنگٸ مەرزٸمگە باس بوستاندىعىنان ايىرۋ جازاسىن كٶزدەيدٸ.
سوت ٷكٸمٸمەن:
–سوت ٷكٸمٸمەن ك. قك-نٸڭ 190-بابى 4-بٶلٸگٸنٸڭ 2) تارماعىندا كٶزدەلگەن قىلمىستىق قۇقىق بۇزۋشىلىق جاساعانى ٷشٸن كٸنەلٸ دەپ تانىلىپ, 5 جىل مەرزٸمگە باس بوستاندىعىنان ايىرۋعا سوتتالدى.
– ايىپتالۋشىنىڭ كٸشكەنتاي بالالارىنىڭ بولۋى, كٸنەسٸن مويىنداپ, شىن جٷرەكتەن ٶكٸنۋٸ – جازانى جەڭٸلدەتەتٸن مەن-جايلار رەتٸندە ەسكەرٸلدٸ;
– اۋىرلاتاتىن مەن-جايلار انىقتالعان جوق.
ٷكٸم زاڭدى كٷشٸنە ەنگەن جوق.
ٸستٸ استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى, سۋديا – جۇماكسانوۆ ەلدوس قارادى.
