سارسەنبى كۇنى انكارانىڭ ورتالىعىندا كولىكتە جارىلىس بولىپ، سوڭعى مالىمەت بويىنشا 28 ادام قايتىس بولعان، 60 ادام جاراقات العان.
بۇل جونىندە پرەمەر-مينيستردىڭ ورىنباسارى نۋمان كۋرتۋلمۋش حابارلادى. بىرنەشە كولىك جارىلىپ كەتكەن. الدىن قالانىڭ گۋبەرناتورى مەحمەت كىلىچلار شابۋىل اسكەر مىنگەن اۆتوبۋسقا جاسالۋى مۇمكىن دەپ مالىمدەگەن ەدى. جارىلىس اسكەري كۇشتەردىڭ شتاب-پاتەرى ورنالاسقان اۋداندا بولعان ءارى ول ماڭدا اسكەريلەردىڭ جاتاقحاناسى دا بار. جاقىن ماڭدا پارلامەنت عيماراتى مەن ۇكىمەتتىك مەكەمەلەر ورنالاسقان.
وقيعادان كەيىن ەل پرەزيدەنتى رەدجەپ ەردوگان ازەربايجانعا ساپارىن، ال تۇركيا پرەمەر-مينيسترى احمەت داۆۋتوگلۋ بەلگياعا ساپارىن توقتاتتى. پرەمەر-مينيستردىڭ ورىنباسارى بەكير بوزداگ تۆيتتەر جەلىسىنە جارىلىستى تەراكتى دەپ اتادى.
وتكەن جىلى انكارادا قازان ايىندا بولعان جارىلىستا جۇزدەگەن ادام قازا تاپقان ەدى. تۇرىك بيلىگى بۇل جارىلىسقا جاۋاپكەرشىلىكتى "يسلام مەملەكەتى" ەكسترەميستىك ۇيىمىنا ارتقان بولاتىن.
